Haradzienca asudzili za ŭdzieł u Maršy ŭ 2020-m. Jon kaža, što dumaŭ, što šeście adbyvajecca ŭ padtrymku Łukašenki
Ślesaru Mikitu Mašutu pavodle č. 1 art. 342 KK dali dva hady «chimii». Haradzieniec vinu nie pryznaŭ i zapeŭnivaŭ sud, što dumaŭ, što šeście, u jakim jon braŭ udzieł, adbyvajecca ŭ padtrymku Łukašenki. Pry hetym pry sabie ŭ jaho byŭ bieł-čyrvona-bieły ściah.
Heta było šeście ŭ žniŭni 2020 hoda, jakoje ruchałasia ad Savieckaj płoščy da mini-rynku «Pryniomanskaha» pa praśpiekcie Janki Kupały ŭ Hrodnie, piša «Viasna».
Mašuta viny nie pryznaŭ. Jon raspavioŭ, što pryjechaŭ na Savieckuju płošču, kab pajści ŭ kramu. Tam ubačyŭ vialikuju kolkaść ludziej, u jakich pry sabie miełasia bieł-čyrvona-biełaja atrybutyka i čyrvona-zialonaja.
Jon vyrašyŭ, što heta mierapryjemstva ŭ padtrymku Alaksandra Łukašenki, dałučyŭsia da natoŭpu i pryniaŭ udzieł u vuličnym šeści.
Ruchajučysia ŭ bok praśpiekta Janki Kupały zrazumieŭ, što ŭdzielnikami masavaha mierapryjemstva źjaŭlajucca pratestoŭcy, adnak praciahnuŭ supolny ruch u kałonie hramadzian, vykrykvaŭ łozunhi, miarkujučy, što jaho dziejańni źjaŭlajucca pravamiernymi.
Pablizu mini-rynku «Pryniomanskaha» pačuŭ ad supracoŭnikaŭ milicyi, što mierapryjemstva źjaŭlajecca niesankcyjanavanym, tamu pakinuŭ jaho.
Razam z tym z materyjałaŭ spravy stała viadoma, što ŭ jaho byŭ bieł-čyrvona-bieły ściah.
U vyniku sudździa Marharyta Łancevič pryznačyła haradziencu dva hady «chimii». Paśla abviaščeńnia prysudu Mikitu vyzvalili ŭ zale suda, adnak da suda jon byŭ pad vartaj.
-
Polskija pamiežniki abvierhli infarmacyju pra toje, što na KPP «Tarespal» nie prymajuć aŭtobusy ź Biełarusi
-
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ
-
Vilnia: Biełaruskija pamiežniki mahli parušyć miažu, zajšoŭšy na terytoryju Litvy
Kamientary