Baćka 14-hadovaj školnicy, jakaja pamierła ŭ balnicy, padaŭ zajavu ŭ milicyju
16 maja dziaŭčynka pajšła zakryvać balničny, ale apynułasia ŭ reanimacyi. Baćka pamierłaj choča, kab spravu razhledzieŭ Śledčy kamitet, piša «Fłahštok».
Baćka školnicy ź Jelsku, jakaja pamierła ŭ balnicy, padaŭ zajavu ŭ milicyju i spadziajecca, što dalej jaje razhledzić SK.
Pravierka, jakuju anansavała Minzdaroŭja, zojmie dva miesiacy, udakładniŭ jon. Mužčyna taksama adkazaŭ na sproby pryznać, što ich šmatdzietnaja siamja znachodzicca ŭ sacyjalna niebiaśpiečnym stanoviščy:
«Nikoli nie ličyŭ svaju siamju sacyjalna niebiaśpiečnaj. My nie ałkaholiki, usie dzieci zdarovyja, nakormlenyja, apranutyja», — zaŭvažyŭ jon.
Baćka pamierłaha dziciaci padziakavaŭ usim za padtrymku i skazaŭ, što budzie čakać aficyjnych vynikaŭ pravierak i «damahacca, kab stała viadomaja praŭda», raspaviadaje «Fłahštok».
Pra śmierć školnicy ŭ jelskaj balnicy stała viadoma 17 maja.
16 maja jana išła zakryvać balničny, bo adčuvała siabie dobra, tempieratury nie było. Jana navat paśpieła paviedamić kłasnaj kiraŭnicy, što hatovaja viarnucca da zaniatkaŭ.
Pa słovach baćki, u 13:35 baćkam patelefanavali i paviedamili, što dzicia ŭ komie ŭ reanimacyi.
A 17:30—17:40 pryjechaŭ reanimacyjny aŭtamabil z Mazyra, adnak było pryniata rašeńnie čakać śpiecyjalistaŭ z Homiela — jany pryjechali prykładna ŭ 23:30.
A 23:50 baćku paviedamili, što dziaŭčynka pamierła.
Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu27
Kamientary