Rasijskija vajskoŭcy pierajšli ŭ novy nastup pad Aŭdziejeŭkaj i Bachmutam — analityk Bild
Prykładna try tydni z kanca śniežnia rasijskija vojski nie pravodzili nastupalnych dziejańniaŭ na ŭschodzie Ukrainy. Zaraz jany znoŭ sprabujuć atakavać.
Rasijskija vajskoŭcy pierajšli ŭ novy nastup pad Aŭdziejeŭkaj i Bachmutam, vykazvaje mierkavańnie ekśpiert Bild pa analizie adkrytych danych Juljan Ropkie.
Miarkujučy pa adnym ź videa, napiaredadni ŭ zavieju kałona rasijskich tankaŭ i BMP nastupała na Aŭdziejeŭku z paŭnočnaha ŭschodu z-pad Krasnahoraŭki. Jany dajšli da abarončaj linii USU kala Aŭdziejeŭskaha karjera. Čym skončyłasia bitva — nieviadoma.
Jak adznačaje Ropkie, raniej US RF sprabavali ŭziać Aŭdziejeŭku z paŭnočnaha zachadu ŭ rajonie Stepavaha, z paŭdniovaha zachadu kala Paŭnočnaha i z paŭdniovaha ŭschodu z boku Daniecka. Niadaŭniaja ataka z paŭnočnaha ŭschodu stała «adnosna novym» napramkam šturmu.
Pad Bachmutam US RF vykarystoŭvajuć razburany horad jak zychodnuju kropku dla prasoŭvańnia na zachad na pazicyi USU. Na dniach u nastup tam pierajšli rasijskija tanki i BMP.
Niahledziačy na niekalki ŭzroŭniaŭ supraćdronnaj abarony, rasijskuju bronietechniku źniščyli ŭkrainskija bieśpiłotniki-kamikadze, ataka była adbitaja.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary