Pamierła 95-hadovaja Maryja Bialevič, dziajačka pavajennaha niezaležnickaha padpolla
Na jaje supolnaj z mužam mahile napisana «Chaj śniacca sny ab Biełarusi».
Maryja Bialevič pamierła ŭ śniežni, ale pra heta stała viadoma tolki ciapier.
«Jaje muž Leŭ Bialevič pamior u 2016-m. Na jaho pomniku napisany słovy «Chaj śniacca sny ab Biełarusi». U śniežni 2023-ha va ŭzroście 95-ci hod pobač z mužam pachavali i Maryju Bialevič. Adzin z bukietaŭ na jaje pachavańni byŭ bieł-čyrvona-bieły. Ad Biełarusi», — paviedamiŭ u fejsbuku adzin sa znajomych Maryi Bialevič.
Maryja Bialevič (Babič) naradziłasia ŭ 1928 hodzie ŭ Babičach Dzisienskaha pavieta, tady heta była Zachodniaja Biełaruś. U 1946 hodzie padčas navučańnia ŭ Hłybockaj piedahahičnaj vučelni dałučyłasia da niazbrojnaj arhanizacyi «Za Biełaruś», jakaja paźniej uliłasia ŭ Sajuz biełaruskich patryjotaŭ: studenty vyrašyli papularyzavać biełaruskuju movu i kulturu, ideju niezaležnaści Biełarusi, supraciŭlacca rusifikacyi navučalnaha pracesu.
25 sakavika 1946 h. razam ź inšymi siabrami SBP prymała prysiahu na viernaść biełaruskamu narodu. U vieraśni 1947 hoda była aryštavanaja z bratam Ivanam. Maryju Babič asudzili razam z maci Hannaj i dziadźkam Alaksiejem Babičam, jakich sudzili za niedaniasieńnie na «vorahaŭ narodu», na 10 hod kancłahieraŭ. Pakarańnie adbyvała ŭ Komi ASSR, Kiraŭskaj vobłaści, u Azierłahu pad Tajšetam, pracavała na budaŭnictvie čyhunki Tajšet-Brack, potym u Mardoŭskaj ASSR. U 1955 h. razam z bratam była nakiravana ŭ Maładziečna na pierahlad sudovaj spravy, dzie joj skaracili termin da 8 hod.
Maryju vyzvalili ŭ lutym 1956 h., viarnułasia ŭ Biełaruś. Pabrałasia šlubam ź siabram Hłybockaj hrupy SBP Lvom Bialevičam, ad jakoha paźniej mieła dačku. Paśla viartańnia ŭ Biełaruś aktyvisty znachodzilisia pad ciskam miascovych uładaŭ, tamu razam z bratam i mužam vyjechała na zarobki ŭ Intu (Komi ASSR).
Ciapier čytajuć
Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ29
Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary