U Minsku 21 studzienia pamior paet Michaił Hančaroŭ. Pra jaho śmierć u sacsietkach paviedamili jahonyja siabry. Jamu było 66 hadoŭ.
«Samy talenavity z tych, pobač z kim ja pačynała. Samy biasprymiesny paet z tych, kaho Dzima Strocaŭ nazvaŭ «Minskaj škołaj». Tam navatary byli. I estety. Kaho tolki nie było. A Miša byŭ adziny.
Miša niezvyčajny byŭ. Vielmi cichi. Biaskonca biezabaronny. Absalutny čužaziemiec u krainie ludziej.
U mianie zaŭsiody była ŭpeŭnienaść, što Miša viedaŭ niešta, čaho my nie viedali, čaho ludzi nie viedajuć u pryncypie — i nie kazaŭ pra heta prosta tamu, što heta było biessensoŭna, jon viedaŭ, što hetaha nichto nie zrazumieje. Łastaŭki zrazumiejuć. Prymuła. Stary chleŭ. Prypynak na vulicy Siarova. Ale im i niama čaho raspaviadać, im i tak pra jaho ŭsio viadoma», — napisała Julija Čarniaŭskaja.
Michaił Hančaroŭ naradziŭsia ŭ 1957 hodzie ŭ Minsku. Skončyŭ Minski industryjalny technikum budmateryjałaŭ, zajmaŭsia budaŭnictvam, ułasnaj majsterniaj, zachaplaŭsia stvareńniem draŭlanych cacak i mebli.
Drukavacca pačaŭ u 1981 hodzie ŭ časopisach «Pracoŭnaja źmiena» i «Takoje žyćcio». Vieršy Michaiła publikavalisia ŭ zborniku «Vieś» (Ryha, 1992), u almanachach «Manałoh» i «Minskaja škoła».
U 1995 hodzie ŭ Minskim vydaviectvie «Vinahrad» vyjšła kniha vieršaŭ Michaiła Hančarova «Chrustalny šar».
Michaił — łaŭreat fiestyvalaŭ i konkursaŭ aŭtarskaj pieśni ŭ Smalensku (1982) i Vilni (1988).
«Vieršy žyvuć, navat kali ich nichto nie słuchaje. Ja nikoli nie sprabavaŭ samaśćviardžacca praz paeziju. Usio, što ja rabiŭ, rabiŭ u asnoŭnym dla siabie. Vieršy — dla kožnaha svajo. Dla mianie — heta sposab uśviedamleńnia śvietu, heta značyć sposab pryniaćcia emacyjnaha pieralicca hetaha ŭśviedamleńnia: kali niešta vielmi dobra ci drenna. Viadoma, ciapier u žyćci ŭsio mianiajecca, i ŭ majoj śviadomaści, adpaviedna… — pisaŭ jon. — Niezrazumieła, u što heta vyljecca, ale pisać ja budu. Bo kali doŭha nie pišaš, pačynaješ adčuvać, što kiepska robiš. Što łajdačyš i nie robiš taho, što tabie naležyć rabić… Dyk voś i žyvu sabie spakojnieńka. Pišu vieršy».
-
«Zarobak startavaŭ z $440». Biełaruski raskazali, jak pracujuć i zarablajuć na Blizkim Uschodzie
-
Pradstaŭnica Akademii navuk raskryła ŭzrovień naradžalnaści ŭ Biełarusi. Jon žachliva nizki
-
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka1
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka77
Kamientary