Piešachod u Minsku chacieŭ abyści hruzavik na pierachodzie, ale trapiŭ pad koły
74-hadovy mužčyna dastaŭleny z traŭmami ŭ balnicu.
Siońnia ranicaj u Minsku na rehulavanym pierachodzie kala doma №2 pa vulicy Čkałava hruzavik najechaŭ na piešachoda. Avaryja trapiła na videa, piša Onliner.by.
Na zapisie vidać, što dla piešachodaŭ zialonaje śviatło zaharełasia ŭ toj momant, kali hruzavik byŭ prosta pierad pierachodam. Kiroŭca vyrašyŭ prajechać dalej, adnak z-za aŭto, jakija spynilisia napieradzie, byŭ vymušany stać na «ziebry». Jak tolki mašyny pierad MAZam adnavili ruch, aŭtamabilist taksama pajechaŭ, ale nie zaŭvažyŭ, što prosta pierad mašynaj znachodziŭsia piešachod.
«Paciarpiełym akazaŭsia 74-hadovy mužčyna, — rastłumačyli ŭ staličnaj DAI. — Jaho z traŭmami dastavili ŭ balnicu».
Kamientary