U 2023 hodzie u Polščy nie dali časovaha DNŽ amal 14% zajaŭnikaŭ ź Biełarusi
U 2023 hodzie Polšča admoviła ŭ nadańni časovaha dazvołu na žycharstva 13,9% zajaŭnikaŭ ź Biełarusi, paviedamlaje «Pozirk» sa spasyłkaj na daśledavańnie «Polskaha kansultanta».
Hramadzianam Rasii pry hetym admovili ŭ 36,2% vypadkaŭ, Ukrainy — u 5,7%, hramadzianam inšych dziaržaŭ — u 17%.
Usiaho letaś u atrymańni DNŽ u Polščy było admoŭlena 23 979 inšaziemcam, samaja vialikaja dola admovaŭ była ŭ Mazavieckim vajavodstvie — 14,96% (15 023 čałavieki).
U 2023 hodzie Polšča vydała 334 381 časovy dazvoł na žycharstva, u tym liku 59 627 biełarusam (17,8% ad ahulnaj kolkaści). Najbolšaja dola vydadzienych DNŽ prypadaje na ŭkraincaŭ (65%; 217 250 čałaviek), najmienšaja — na rasiejcaŭ (2%; 6 841).
Pa stanie na 31 śniežnia 2023 hoda ŭ Polščy žyli 118 562 hramadzianina Biełarusi, jakija majuć sapraŭdny dakumient, jaki vydadzieny ŭ Polščy i daje prava na znachodžańnie na terytoryi krainy, paviedamiŭ raniej Centr biełaruskaj salidarnaści (CBS) sa spasyłkaj na danyja Upraŭleńnia pa spravach inšaziemcaŭ Polščy.
Mianiajucca praviły vydačy viz dla biełarusaŭ z kartami palaka
«Bolš za pałovu majho ofisa vykarystoŭvała hetuju vizu prosta dla padarožžaŭ». Što dumajuć ajcišniki pra zakryćcio prahramy Poland.Business Harbour
Biełarusam admovili ŭ PMŽ u Polščy z-za typu vizy. Vyhladaje, što pamyłkova, ale heta vialikaja prablema
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary