Mianiajucca praviły vydačy viz dla biełarusaŭ z kartami palaka
Identyfikacyju ŭładalnikaŭ hetaha dakumienta ŭskładniać dla biełaruskich siłavikoŭ.
31 studzienia ŭstupajuć u siły źmieny ŭ praviłach vydačy viz dla zamiežnikaŭ z kartami palaka. Najpierš heta robicca dla biaśpieki biełarusaŭ, paviedamlaje aficyjny polski partał Znadniemna.pl.
Źmieny dazvolać zamaskiravać uładalnikaŭ dakumienta pry prachodžańni miažy — u ich budzie toj ža vizavy numar, što i ŭ zajaŭnikaŭ na polskija vizy biez kart palaka.
«Z 31 studzienia hramadzianie Biełarusi, jakija atrymlivajuć polskija vizy pa karcie palaka, buduć mieć u pašparcie vizavyja nalepki z numaram 23. Da hetaha, pa zakonie, u pašpartach uładalnikaŭ kart palaka zvyčajna staviŭsia asobny numar 18, a ŭ zajaŭnikaŭ na atrymańnie vizy dla inšych met — 23.
Hetaja ŭnifikacyja ŭskładnić dla biełaruskich słužbovych asob vyjaŭleńnie ŭładalnikaŭ kart palaka», — piša partał Znadniemna.pl.
Nahadajem, što pavodle abnoŭlenaha Zakona ab hramadzianstvie, biełarusy, jakija mieli druhoje hramadzianstva, DNŽ abo kartu palaka, pavinny byli padać hetyja źviestki da 10 kastryčnika 2023 hoda. A tyja, chto tolki atrymlivaje, — paviedamić pra dakumient ciaham troch miesiacaŭ.
Pa danych na pačatak śniežnia 2023-ha, pra najaŭnaść padobnych dakumientaŭ paviedamiła kala 70 tysiač biełarusaŭ. Heta tolki nievialikaja častka trymalnikaŭ padobnych dakumientaŭ.
Tak, stanam na 2022 hod bolš za 160 tysiač hramadzian Biełarusi atrymali kartu palaka. Amal 119 tysiač biełarusaŭ majuć DNŽ u Polščy, bolš za 60 tysiač — u Litvie.
Uładalniki kart palaka pieryjadyčna sutykajucca ź ciskam siłavikoŭ, niekatorych prymušajuć admovicca ad hetych dakumientaŭ.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary