Tajvań pavialičyŭ štrafy za niezakonny ekspart u Biełaruś bolš čym u 15 razoŭ
Zaraz miascovym kampanijam, jakija pastaŭlajuć svaju pradukcyju ŭ abychod sankcyj, pahražaje štraf da 140 tysiač dalaraŭ.
Handlovaje ŭpraŭleńnie Minekanomiki Tajvania robić bolš strohim pakarańnie za niezakonny ekspart u Rasiju i Biełaruś. Pamier štrafu pavialičvajecca bolš čym u 15 razoŭ, paviedamlaje Reform.by sa spasyłkaj na pres-słužbu tajvańskaha Ministerstva.
Zaraz miascovym kampanijam, jakija pastaŭlajuć svaju pradukcyju ŭ abychod sankcyj, pahražaje štraf sumaj blizu 140 tysiač dalaraŭ.
Minekanomiki Tajvania taksama paprasiła vytvorcaŭ razarvać suviazi i paćvierdzić zabaronu na ekspart vysokatechnałahičnych tavaraŭ u Rasiju i Biełaruś, nahadaŭšy pra patrabavańnie dekłaravać kančatkovaha pakupnika pry prodažy tavaraŭ praz ryzykoŭnyja trecija krainy, kudy adniesieny Turcyja, Abjadnanyja Arabskija Emiraty, krainy Centralnaj Azii i inš.
Ułady Tajvania padkreślivajuć, što mižnarodnaja reputacyja tajvańskich biznesoŭcaŭ maje vyrašalnaje značeńnie dla budučych hłabalnych prodažaŭ i pavinna być abaroniena hulcami haliny.
Padstavaj dla zajavy ŭładaŭ stała ŭniasieńnie rasijskaj kampanii iMachine u sankcyjny śpis u adkaz na publikacyi ŭ ŚMI, dzie śćviardžałasia, što rasijski vytvorca zbroi vykarystaŭ mietad pieravałki ŭ treciuju krainu dla pieraabstalavańnia tajvańskich stankoŭ dla naroščvańnia vajskovaj vytvorčaści.
Tajvań z 25 studzienia pašyryŭ abmiežavańni na ekspart u Biełaruś i Rasiju. Pieralik pašyryŭsia z ulikam dziejańniaŭ ES i ZŠA. Pad novyja abmiežavańni trapili technałohii dla vytvorčaści paŭpravadnikoŭ, niekatoryja vidy chimičnych rečyvaŭ i miedykamientaŭ.
Ciapier čytajuć
Za apošnija 10 hadoŭ arendnyja staŭki vyraśli ŭdvaja. Za kolki ciapier zdajuć kvatery2
Za apošnija 10 hadoŭ arendnyja staŭki vyraśli ŭdvaja. Za kolki ciapier zdajuć kvatery
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka2020
Kamientary