Siońnia spaŭniajecca hod, jak vice-staršynia Sajuza palakaŭ ŭ Biełarusi, žurnalist Andrej Pačobut byŭ asudžany na 8 hadoŭ źniavoleńnia. Jaho vyzvaleńnie zastajecca dla polskaha Ministerstva zamiežnych spraŭ pryjarytetam, havorycca ŭ zajavie MZS, vydadzienaj z hetaj nahody.
MZS u zajavie rašuča vystupaje suprać vykarystańnia palakaŭ u Biełarusi ŭ jakaści zakładnikaŭ uładaŭ u Minsku i paŭtaraje svoj zaklik da nieadkładnaha, biezumoŭnaha vyzvaleńnia i apraŭdańnia Andreja Pačobuta i inšych palityčnych źniavolenych.
Aryštavany ŭ sakaviku 2021 hoda, a zatym asudžany na pakazalnym sudovym pracesie 8 lutaha 2023 hoda, Pačobut staŭ simvałam biesprecedentnych represij, a taksama i baraćby za pravy na zachavańnie tradycyj prodkaŭ, vyvučeńnie polskaj movy, a taksama abaronu miescaŭ pamiaci i zachavańnie ahulnaj dla Polščy i Biełarusi histaryčnaj spadčyny.
Jahony vypadak źjaŭlajecca dokazam vyrazna kanfrantacyjnych pazicyj Minska i hatoŭnaści iści na dalejšaje paharšeńnie ŭzajemaadnosin. Ministerstva zamiežnych spraŭ Polščy nastojliva zaklikaje biełaruskija ŭłady pavažać mižnarodnaje prava i dvuchbakovyja pahadnieńni ŭ častcy abarony pravoŭ nacyjanalnych mienšaściaŭ, havorycca ŭ zajavie.
Svajaki Andreja Pačobuta bajacca, što situacyja z pazbaŭleńniem jaho pieradač i spatkańniaŭ moža zachavacca da 2028 hoda
Kali treba napisać Prezident ź vialikaj litary «p», kab ciabie pamiłavali, pišy — Harbunova
«Dla polskaha naroda jon — hieroj!» Rodnym Andreja Pačobuta ŭručyli miedal 75-hodździa misii Jana Karskaha
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii11
Kamientary