Siejm Litvy pieranios razhlad zakonaprajektu ab pastražeńni pravierak hramadzian Biełarusi
Siejm Litvy 12 lutaha pieranios na viesnavuju siesiju razhlad zakonaprajektu ab praciahu abmiežavańniaŭ u dačynieńni da hramadzian Biełarusi i Rasii. Pra heta paviedamlaje sajt litoŭskaha parłamienta.
Prajekt zakona praduhledžvaje dadatkovyja pravierki hramadzian Biełarusi na miažy ź Litvoj.
U pryvatnaści, biełarusaŭ, jakija prybyvajuć pa šenhienskaj vizie, buduć praviarać na pradmiet pahrozy hramadskamu paradku, unutranaj biaśpiecy, zdaroŭju nasielnictva i mižnarodnym adnosinam.
Pamiežniki buduć prymać rašeńnie «ab dadatkovym dahladzie hramadzianina Biełarusi na druhoj linii kantrolu ŭ punktach propusku». Jak śćviardžajecca, heta źviazana z rostam aktyŭnaści «biełaruskich śpiecsłužbaŭ, jakija vykarystoŭvajuć svaich hramadzian u Litvie».
Kamientary