Łatvija pabuduje na miažy z Rasijaj i Biełaruśsiu paŭnavartasnuju liniju abarony
Łatvija pabuduje liniju abarony nie tolki na miažy z Rasijaj, ale i na miažy ź Biełaruśsiu. Pra heta 15 lutaha paviedamiŭ ministr abarony Łatvii Andrys Spruds, adkazvajučy na pytańnie karespandenta telekanała «Biełsat».
Pavodle słoŭ ministra, abarona miažy — važnaja zadača dla ŭsich dziaržaŭ na linii frontu. Tamu Łatvija padpisała pahadnieńnie ź litoŭskimi i estonskimi partniorami nakont kaardynacyi dziejańniaŭ na bałtyjskich linijach abarony.
«Kožnaja kraina realizuje svoj admysłovy płan, adnak kaardynacyja dziejańniaŭ jość častkaju parazumieńnia nakont bałtyjskich linijaŭ abarony. Viadoma, što miežy z Rasijaj, a taksama miaža ź Biełaruśsiu, musiać być uzmocnienyja.
My ŭžo zbudavali aharodžu, kab abaranić našuju miažu i krainu ad płyni nielehalnaj mihracyi. U toj ža čas stvareńnie supraćtranspartnych zaharodaŭ musić być častkaju ŭzmacnieńnia našaj miažy i abarony», — padkreśliŭ Andrys Spruds pierad sustrečaj ministraŭ abarony NATO ŭ štab-kvatery Aljansu ŭ Brusieli.
Čytajcie taksama:
Łatvija viarnuła abaviazkovuju słužbu ŭ armii
Kamandujučy armijaj Łatvii: Sajuźniki tut buduć chutčej, čym na krainu chtości napadzie
Ciapier čytajuć
Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj37
Kamientary