U staličnym domie abmiežavali dostup da kantejniernaj placoŭki. Čamu?
Niezvyčajny sposab abmiežavać dostup da miesca zboru kamunalnych adchodaŭ ukaranili ŭ tavarystvie ŭłaśnikaŭ žyłoha doma № 90 na praśpiekcie Dziaržynskaha.
Ciapier, kab vykinuć śmiećcie, žycharam dastatkova padyści da videapaneli, jakaja raspaznaje «svaich» i adčyniaje elektrazamok, pišuć Minsk-Naviny.
Jak raspaviała staršynia tavarystva ŭłaśnikaŭ Kaciaryna Žuraŭlevič, ideja abmiežavać dostup da kantejniernaj placoŭki ŭźnikła z-za taho, što cikavaść da miesca zboru adkidaŭ prajaŭlali žychary susiednich damoŭ, arhanizacyi, jakija pryvozili budaŭničaje śmiećcie. Nie vypuskali vypadku pakorpacca ŭ bakach i bamžy. Razryvali pakiety ŭ pošukach čaho-niebudź karysnaha dla siabie i raskidvali ŭsio vakoł, što stvarała niepryjemny vyhlad i pach.
— Hety biesparadak nadakučyŭ žycharam, i my vyrašyli zakryć placoŭku ad starońnich asob, — tłumačyć K.Žuraŭlevič.
Stavić kodavy zamok zdałosia nie samym nadziejnym rašeńniem, bo z časam kambinacyju ličbaŭ mohuć daviedacca ŭsie, kamu jana cikavaja. U tavarystvie ŭłaśnikaŭ raniej pastavili IP-damafon dla ŭvachodu ŭ padjezdy doma i navat u tambury na pavierchach. Jon praduhledžvaje raspaznavańnie tvaraŭ, tamu vyrašyli ŭkaranić jaho i na kantejniernaj placoŭcy, uviazaŭšy z ahulnadamavoj sistemaj.
Dla taho, kab sistema raspaznała žychara, jaho fatahrafija pavinna być zahružana ŭ sistemu IP-damafonii. Hety vid infarmacyi traplaje pad dziejańnie zakona «ab abaronie piersanalnych źviestak». Tyja, chto pahadziŭsia, napisali adpaviednyja zajavy i padali fota. Zrešty, jość i druhi sposab dostupu — z dapamohaj čypaŭ. Kožny nastrojeny piersanalna: svaim čypam možna adkryć tolki svaje padjezd i tambur, a taksama kantejniernuju placoŭku. Čypy vydali i adpaviednym arhanizacyjam.
Rybaki na vychodnych cełym natoŭpam akupavali nievialikuju račułku pad Hrodnam. Łaviłasia dobra, ale šmat i naśviniačyli
U Barysavie lehkavik zaminaŭ vyvazu śmiećcia. Kamunalnik vyrašyŭ adpomścić pozna nočču
«Našy hory pačali śmiardzieć». Alpinistaŭ, jakija łaziać na Evierest, abaviazali prybirać za saboj fiekalii
Łukašenka: Raman Pratasievič — daŭni supracoŭnik biełaruskaj raźviedki59
Kamientary