Praz try dni paśla śmierci Navalnaha Pucin uznaharodziŭ novym zvańniem adnaho z kiraŭnikoŭ sistemy vykanańnia pakarańniaŭ
Uładzimir Pucin paśla hibieli Alaksieja Navalnaha prysvoiŭ zvańnie hienierał-pałkoŭnika ŭnutranaj słužby pieršamu namieśniku dyrektara Fiederalnaj sistemy vykanańnia pakarańniaŭ (FSVP) Valeryju Bajarynievu.
Ukaz byŭ apublikavany praz try dni paśla raptoŭnaj śmierci palityka ŭ kałonii.
Valeryj Bajarynieŭ pracuje ŭ kryminalna-vykanaŭčaj sistemie z 1993 hoda. Da pryznačeńnia ŭ 2015 hodzie na pasadu namieśnika kiraŭnika FSVP uznačalvaŭ upraŭleńnie słužby pa arhanizacyi dziejnaści turmaŭ i śledčych izalataraŭ.
UFSVP pa Jamała-Nienieckaj akruzie 16 lutaha abjaviła ab śmierci ŭ kałonii rasijskaha apazicyjaniera Alaksieja Navalnaha. Siamji palityka jaho cieła nie vydajuć nibyta z-za pravierki abstavinaŭ śmierci.
Lidary Jeŭraźviazu i ZŠA zajavili, što Pucin niasie adkaznaść za śmierć Navalnaha ŭ turmie.
Žonka Alaksieja Navalnaha zajaviła, što «Pucin zabiŭ» jejnaha muža.
U Kramli nazvali hetyja zajavy «absalutna ašalełymi i absalutna niedapuščalnymi».
Ci moža śmierć Navalnaha padšturchnuć rasiejcaŭ da baraćby za svabodu?
«My viedajem, za što kankretna Pucin zabiŭ Alaksieja. My chutka vam raskažam». Julija Navalnaja zapisała zvarot da rasijan
Piaskoŭ zajaviŭ, što Kreml «nie zajmajecca» spravaj Navalnaha
Aleksijevič: Novy Hitler z novymi technałohijami strašniejšy za toje, što my viedajem z historyi
Kamientary