Hramadstva33

Pamiatajecie dziaŭčynu, jakaja sprabavała ŭkinuć pačak biuleteniaŭ na vybarach-2019? Daviedalisia, čym jana zajmajecca

Ciapier Anastasija Kuličkova ŭžo nie piedahoh-psichołah u dziciačym sadku.

13 listapada 2019 hoda padčas daterminovych «vybaraŭ» deputataŭ Pałaty pradstaŭnikoŭ Nacyjanalnaha schodu na adnym z vybarčych učastkaŭ u Breście adbyŭsia skandał. Naziralnik źniaŭ na videa dziaŭčynu z pačkam biuleteniaŭ u rukach.

Jak akazałasia, «hierainia» rolika Anastasija Kuličkova na toj momant pracavała ŭ dziciačym sadku, dyrektarka jakoha jakraz i zjaŭlałasia staršynioj kamisii na tym vybarčym učastku. Žurnalisty BGmedia pahladzieli staronki Nasty Kuličkovaj u instahramie. 

Na adnoj sa staronak Anastasii Kuličkovaj u apisańni profilu pakazana, što jana pracuje kurataram InStart, sumiaščaje «najm i fryłans», viedaje, «jakija anłajn prafiesii aktualnyja!» [hetaja fraza napisana z pamyłkaj], a taksama abiacaje, što ź joj stanieš «finansava niezaležnym». 

U paście-znajomstvie jana zmaŭčała, što pracavała ŭ dziciačym sadku, što ŭžo kazać pra sprobu falsifikacyi «vybaraŭ». 

U adnym ź videa Nasta Kuličkova raspaviała, jak «zarablaje» z dapamohaj kuratarstva. Pavodle jaje słoŭ, «kuratar — heta čałaviek, jaki daje tabie dostup da taryfaŭ, kursaŭ i asobnych materyjałaŭ. Prajekt daje dla kuratara navučańnie z nula dla taho, kab ty ŭ budučyni moh dapamahać inšym». Dośvied nie patrabujecca, «tabie dajecca dostup da pracoŭnych čataŭ, dzie tabie dapamahaje administratar i zasnavalniki prajektu». U apisańni da videa Nastaśsia napisała, «što ŭ dzień kuratar moža zarabić ad 100 biełaruskich rubloŭ».

Atrymlivajecca nastupnaja karcina: Anastasija Kuličkova patrapiła ŭ finansavuju piramidu, jakoj vyhladaje płatforma InStart. Jana zapłaciła hrošy i kupiła kurs, kab stać «kurataram». Kab pryciahvać novych ludziej u prajekt i zarablać na ich hrošy, dziaŭčyna stvaryła pracoŭnuju staronku ŭ instahramie i pačała zdymać videa pra hetuju płatformu, pierakonvajučy ludziej u krutaści hetych kursaŭ i abiacajučy im lohki prybytak u anłajnie. 

Dobraja navina ŭ tym, što ludzi nie pavieryli joj. Na profil Anastasii Kuličkovaj padpisana ŭsiaho 60 akaŭntaŭ, tolki dva jaje videa nabrali bolš za tysiaču prahladaŭ. Apošni post dziaŭčyna apublikavała 1 listapada 2023 hoda, a pieršy zjaviŭsia 18 kastryčnika. Atrymlivajecca, što Nasta zakinuła «kuratarstva» praz dva tydni. 

U Nasty Kuličkovaj jość druhaja staronka ŭ instahramie. Tam jana, miarkujučy pa apisańni, pradaje tavary rasijskaj kampanii «Fabierlik». Jana naležyć členu Dziarždumy RF Alaksieju Niačajevu. Staronku Anastasija aktyŭna viadzie z krasavika 2022 hoda. Darečy, «anłajn-biznesam» zajmajecca i jaje maci — Śviatłana Kuličkova. Jana taksama pradaje pradukcyju «Fabierlik». A muž Nastaśsi pradaje vyraby sa skury.

Prodažy ŭ «Fabierlik» uładkovanyja pa pryncypie sietkavaha markietynhu. Vy kuplajecie ŭ jaho pradukcyju sa źnižkaj dla siabie ci na prodaž, pradajacie daražej, a roźnicu zabirajecie sabie. Čym bolš u vas tavaraabarot i klijentaŭ, tym bolš vy zarablajecie. Darečy, «Fabierlik» znachodzicca pad sankcyjami Polščy i Ukrainy. 

Skandał na vybarach

Skandał sa sprobaj ukidvańnia biuleteniaŭ zdaryŭsia ŭ Breście 13 listapada 2019 hoda — tady išło daterminovaje «hałasavańnie» na daterminovych «vybarach» deputataŭ u Pałatu pradstaŭnikoŭ Nacyjanalnaha schodu. Na vybarčym učastku №37 na vulicy Łuckaja, 10 Bresckaj-Uschodniaj akruhi №3 naziralnik Jury Vaščančuk źniaŭ na videa dziaŭčynu z pačkam biuleteniaŭ u rukach.

 

Na roliku vidać, jak brunetka zachodzić u kabinku dla hałasavańnia, a potym vychodzić ź jaje ź niekalkimi biuleteniami ŭ rukach, składzienymi napałovu. Ad pytańniaŭ naziralnika jana razhubiłasia i nie apuściła pačak u skryniu, paśla čaho pakinuła ŭčastak dla hałasavańnia.

Zaŭvažyŭšy incydent, padyšła staršynia kamisii Taćciana Mosina i paprasiła dziaŭčynu vyjści z pakoja. Adnak hetaja reakcyja była adzinaj z boku kamisii. Nijakaha razboru nie było. 

Žurnalisty vyśvietlili, što dziaŭčynu kličuć Anastasija Kuličkova. U 2019 hodzie jana jakraz skončyła 4-y kurs sacyjalna-piedahahičnaha fakulteta BrDU imia A.S. Puškina. A ŭ momant sproby ŭkidvańnia biuleteniaŭ pracavała piedahoham-psichołaham u vučebna-piedahahičnym kompleksie «Dziciačy sad — pačatkovaja škoła №1 h. Bresta», jaki raźmieščany ŭ 50 mietrach ad vybarčaha ŭčastka na vuł. Łuckaj, 10, dzie jaje i źniali na videa.

Taćciana Mosina była nie tolki staršynioj kamisii na ŭkazanym vybarčym učastku, ale i dyrektaram dziciačaha sada, u jakim pracavała Anastasija Kuličkova. Sprobu falsifikacyi i dziaŭčyna, i Taćciana Mosina tady, viadoma ž, admaŭlali.

Staršynia CVK Lidzija Jarmošyna pra ŭkid biuleteniaŭ skazała, što naziralnika treba pazbavić akredytacyi. «Stvorany skandał, pryčym stvorany skandał pa vinie naziralnika», — zajaviła jana. Tak i było zroblena.

Kamientary3

  • Nie
    28.02.2024
    ‘Skroź maskoŭskija proźviščy.
  • Barščevarka
    29.02.2024
    Z adnaho łachatrona ŭ druhi.
  • Woodoo Cult
    02.03.2024
    [Red. vydalena]
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Budučy abjekt Suśvietnaj spadčyny, jaki zahubiła abyjakavaść. Čym admietnaja Ściapankaŭskaja carkva, jakaja zahinuła ŭ pažary

Budučy abjekt Suśvietnaj spadčyny, jaki zahubiła abyjakavaść. Čym admietnaja Ściapankaŭskaja carkva, jakaja zahinuła ŭ pažary

Usie naviny →
Usie naviny

Śmierć udovam. Archieołah raskazaŭ pra znachodku, jakaja śviedčyć pra žudasny zvyčaj pieršych słavian na Biełarusi31

Bum na matču pa ŭsim śviecie: popyt raście, zapasy źmianšajucca5

Piać parad, jak prosta pazbavicca ad pachu i plam potu na adzieńni3

Rasijanie try hadziny bili pa Charkavie KABami, balistykaj i šachiedami. Ździejśniena kambinavanaja ataka na Dniapro2

«Kupałaŭcy» anansavali pačatak novaha teatralnaha siezona1

Pasažyrka «nie ŭkłałasia ŭ tajminh» padčas sanitarnaha prypynku — mižnarodny aŭtobus pajechaŭ bieź jaje5

Staŭ viadomy los źbiehłych dzikabrazaŭ u Rečyckim rajonie2

Bieraściejec uvoziŭ u Polšču biarozavaje palena. Akazałasia, heta kostka mamanta2

Vydaliŭ akaŭnt, pačyściŭ techniku — i ŭsio adno pryjšli. Mikita Łosik raskazaŭ, jak jaho vyličyli siłaviki25

bolš čytanych navin
bolš łajkanych navin

Budučy abjekt Suśvietnaj spadčyny, jaki zahubiła abyjakavaść. Čym admietnaja Ściapankaŭskaja carkva, jakaja zahinuła ŭ pažary

Budučy abjekt Suśvietnaj spadčyny, jaki zahubiła abyjakavaść. Čym admietnaja Ściapankaŭskaja carkva, jakaja zahinuła ŭ pažary

Hałoŭnaje
Usie naviny →

Zaŭvaha:

 

 

 

 

Zakryć Paviedamić