Źjaviŭsia sajt, na jakim možna zapalić śviečku ŭ pamiać pra Alaksieja Navalnaha
U internecie źjaviŭsia sajt u pamiać pra Alaksieja Navalnaha. Raźvitańnie z palitykam prachodzić 1 sakavika ŭ maskoŭskim rajonie Marjina.
Dla ŭsich, chto nie moža raźvitacca z Navalnym asabista, i stvorany hety sajt. Tam u pamiać ab palityku možna zapalić śviečku — i ŭbačyć, jak šmat adnadumcaŭ, piša «Mieduza».
Pa stanie na 15:30 na sajcie «zapalena» 113 463 śviečki.
U Maskvie 1 sakavika prachodzić raźvitańnie z Alaksiejem Navalnym, pra śmierć jakoha ŭ papraŭčaj kałonii № 3 pasiołka Charp u Jamała-Nienieckaj aŭtanomnaj akruzie stała viadoma 16 lutaha.
Za minułyja z tych časoŭ dva tydni blizkim i paplečnikam palityka pryjšłosia prajści praz mnohaje: cieła vydali tolki praź dzieviać dzion, a maci Navalnaha šantažavali śledčyja, patrabujučy pravieści pachavańnie tajemna; ab miescy pachavańnia pryjšłosia vieści doŭhija pieramovy, a pamiaškańnie dla raźvitańnia doŭha nie ŭdavałasia znajści.
Pachavajuć pamierłaha ŭ kałonii palityka na Barysaŭskich mohiłkach.
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary