Sudom Maskoŭskaha rajona byŭ vyniesieny prysud 76-hadovamu piensijanieru. Pavodle materyjałaŭ spravy, mužčyna z 2003 pa 2020 hod ździajśniaŭ niesumlennyja ździełki z čužymi kvaterami.
Jon šukaŭ pa Minsku adzinokich amataraŭ ałkaholu, jakija majuć va ŭłasnaści žyllo, pradstaŭlaŭsia ryełtaram, pierakonvaŭ, što dapamoža z pahašeńniem daŭhoŭ, abiacaŭ vyhadna pamianiać žytło na mienšaje z dapłataj.
Ale vykarystoŭvajučy niedaśviedčanaść u pytańniach koštu žyłych pamiaškańniaŭ, ździajśnieńnia ździełak ź nieruchomaściu pad markaj akazańnia ryełtarskich pasłuh nabyvaŭ žytło na vielmi niavyhadnych dla pradaŭcoŭ umovach. Pavodle spravy, mužčyna zahadzia nie mieŭ namieru vykanać pryniatyja na siabie abaviazacielstvy.
U vyniku pierapisvaŭ kvatery na siabie, pieradajučy ŭłaśnikam niaznačnyja sumy. Takim čynam jon pakinuŭ biez kvater vosiem čałaviek.
Sudzili mužčynu pa častcy 4 artykuła 209 «Machlarstva, učynienaje arhanizavanaj hrupaj albo ŭ asabliva bujnym pamiery». Na sudzie jon svaju vinu nie pryznaŭ.
U vyniku dla mužčyny 1948 hoda naradžeńnia pryhavor akazaŭsia surovym: siem hadoŭ u papraŭčaj kałonii ŭzmocnienaha režymu. Taksama pryznačyli štraf u 300 bazavych vieličyniaŭ (heta 12 000 rubloŭ). Dvum paciarpiełym jon pavinien vypłacić kampiensacyju maralnaj škody ŭ pamiery 5000 rubloŭ.
Pryhavor u zakonnuju siłu nie ŭstupiŭ i moža być abskardžany i apratestavany ŭ apielacyjnym paradku.
Ciapier čytajuć
Dva sakrety, dziakujučy jakim adbyłasia karjera novaha pres-sakratara MZS Rusłana Varankova4
Dva sakrety, dziakujučy jakim adbyłasia karjera novaha pres-sakratara MZS Rusłana Varankova
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier55
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier5
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary