Błohier Mark Fiejhin zrabiŭ niečakany prahnoz.
Pad čas strymu Dźmitryja Hardona Mark Fiejhin adznačyŭ, što Pucin abaviazkova zaviadzie va ŭładu svaich dačok. Ale, pa słovach błohiera, Rasija — seksisckaja kraina, i «žanočaje pytańnie ŭ palitycy i ŭładzie nie prostaje». Pucin chutčej za ŭsio vybiare šlach maksimalnaha znachodžańnia va ŭładzie da svajoj niemačy, da momantu, pakul u jaho nie źjavicca spadkajemiec.
I tut Fiejhin źviartaje ŭvahu na dziaciej Kabajevaj: «Tam jość syny».
Błohier kaža, što pa roznych čutkach, u Pucina ad Kabajevaj nibyta dvoje synoŭ — Ivan i Uładzimir, — i jon choča dačakacca paŭnalećcia adnaho ź ich. Kali ŭličvać, što suviaź z Kabajevaj u Pucina mierkavana adbyvałasia ŭ pačatku nulavych, to ciapier adnamu z synoŭ mahło spoŭnicca 9-10 hadoŭ.
«Dumaju, što jon [Pucin] dla siabie kančatkova vyznačyŭsia, što jahonuju ŭładu budzie prymać jahony syn. Synu ŭ momant, kali jon budzie adčuvać niemač, budzie 21 hod ci 25 hadoŭ. Heta pytańnie zakanadaŭstva. Jany, biezumoŭna, mohuć heta vyrašyć.
Ci budzie pry im rehient — dačka Pucina, — ci sam syn adrazu zojdzie [u kresła prezidenta], heta ŭžo technika. Jany vyrašać. Jon užo dasłaŭ sihnał, što ŭłada budzie dynastyčnaj. Inšaj ułady nie budzie», — śćviardžaje Fiejhin.
Čytajcie jašče:
Kabajeva ŭsio? Uładzimir Pucin znajšoŭ novaje kachańnie — historyka z łondanskaj adukacyjaj
Rasśledavalniki raskazali, dzie žyvuć Pucin z Kabajevaj i jak vyhladaje ich žytło
«Rasija — čałaviekacentryčnaje hramadstva». Starejšaja dačka Pucina dała vialikaje intervju
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary