Hramadstva33

U Smalavičach hatovyja pryniać na pracu łaŭcoŭ ptušak. Što treba rabić?

Abjava ab pošuku łaŭcoŭ ptušak była raźmieščana ŭ adnym z vahonaŭ ciahnika staličnaha mietrapalitena. Na jaje źviarnuła ŭvahu čytačka ahienctva «Minsk-Naviny», datelefanavałasia da patencyjnaha pracadaŭcy i padzialiłasia svaim vopytam pošuku pracy.

Standartnaja rekłama ab pošuku rabotnikaŭ pradpryjemstvam. Patrabavalisia ŭpakoŭščyki, hruzčyki, ślesary, traktarysty…

«Adrazu na nazvu arhanizacyi nie źviarnuła ŭvahu. Voka začapiłasia za adnu z vakansij u pieraliku. Pradpryjemstva šukała łaŭcoŭ ptušak! U hałavie adrazu paŭstaŭ niejki ramantyčny vobraz, niešta zusim niezvyčajnaje i niasumnaje. Cikavy hrafik zaniataści: tydzień pracuješ, tydzień adpačyvaješ. Nu i zarobak paznačaŭsia navat pa staličnych mierkach prystojny — na ruki ad 2 000 rubloŭ», — raskazała Julija.

Praŭda, kali čytačka ŭvažliva aznajomiłasia z abjavaj, ramantyka raśsiejałasia. Łaŭcoŭ ptušak šukała pradpryjemstva «Smalavičy Brojler». Abiacali dobryja ŭmovy pracy, dastaŭku ź Minska słužbovym transpartam, sacyjalny pakiet, materyjalnuju dapamohu na charčavańnie i kampiensacyju vydatkaŭ na miedahlad.

«Usio ž cikavaść uziała vierch, i ja vyrašyła daviedacca pra vakansii. Tym bolš što razhladaju varyjant pierajezdu ŭ Smalavičy, raptam pobač i pracu dobruju znajdu.

Jak akazałasia, maja fiłałahičnaja adukacyja ŭ arhanizacyi nikoha nie zacikaviła. Im padychodziŭ rabotnik navat bieź jakoj-niebudź «korački» i vopytu. Hałoŭnaje patrabavańnie — fizična mocny, raźvity čałaviek.

Sutnaść pracy — na praciahu 15 hadzin (z abiedziennym pierapynkam) łavić u pamiaškańni žyvuju ptušku. Pa siem dvuchkiłahramovych asobin brać u achapku i nieści ŭ skryni. Mianie adrazu papiaredzili, što zajmajucca hetym fizična mocnyja mužčyny, jakija, byvaje, i sutki nie vytrymlivajuć.

Jak varyjant, mnie prapanavali pasprabavać siabie ptuškahadoŭkaj — dahladać za ptuškaj, adsočvać najaŭnaść kormu i vady, — padzialiłasia vopytam Julija. — Mahčyma, kamuści ź minčukoŭ takaja zaniataść spadabajecca, a ja praciahnu svaje pošuki».

Kamientary3

  • Vaš kep
    09.03.2024
    "U Smalavičach hatovyja pryniać na pracu łaŭcoŭ ptušak. Što treba rabić?" 
    Łavić ptušak, nie?
  • Hy
    09.03.2024
    Nakiravać tudy hubopik, chaj łović kurej dy pieŭniaŭ😁
  • JANKA
    09.03.2024
    Pračytaŭ.⠀
    Cikava. :))

Ciapier čytajuć

«Razahnać darmajedaŭ! Addać ludziam ziamlu!» Traktaryst z Chojnikaŭ, jaki ciapier žyvie ŭ Łatvii, paraŭnaŭ sielskuju haspadarku tam i ŭ nas11

«Razahnać darmajedaŭ! Addać ludziam ziamlu!» Traktaryst z Chojnikaŭ, jaki ciapier žyvie ŭ Łatvii, paraŭnaŭ sielskuju haspadarku tam i ŭ nas

Usie naviny →
Usie naviny

U Polščy na biełarusa napaŭ rabaŭnik prosta na vulicy4

U Biełarusi značna skaraciłasia kolkaść abortaŭ

Supraćbunkiernaja bomba ZŠA: što pra jaje viadoma i ci sapraŭdy jana moža razburyć jadziernyja bunkiery Irana?2

Rabota biełaruskaha kampazitara stała albomam tydnia ŭ Aŭstralii2

Ministr adukacyi pryznaŭ za baćkami prava kuplać školnuju formu dzie zaŭhodna1

U sabaki, zakapanaha žyŭcom u lesie pad Śvietłahorskam, abjaviłasia haspadynia1

Paśla adchileńnia Iranam ultymatumu Trampa ZŠA pasyłajuć na Blizki Uschod treci avijanosiec3

Łukašysty sprabujuć dabicca vydačy im biełarusaŭ praź Interpał, paznačajučy niepalityčnyja artykuły4

U Iranie amal całkam adklučyli internet1

bolš čytanych navin
bolš łajkanych navin

«Razahnać darmajedaŭ! Addać ludziam ziamlu!» Traktaryst z Chojnikaŭ, jaki ciapier žyvie ŭ Łatvii, paraŭnaŭ sielskuju haspadarku tam i ŭ nas11

«Razahnać darmajedaŭ! Addać ludziam ziamlu!» Traktaryst z Chojnikaŭ, jaki ciapier žyvie ŭ Łatvii, paraŭnaŭ sielskuju haspadarku tam i ŭ nas

Hałoŭnaje
Usie naviny →

Zaŭvaha:

 

 

 

 

Zakryć Paviedamić