Dziaŭčyna atrymała pierałom biadra na dni narodzinaŭ siabroŭki. Praz ałkahol joj zrezali balničny. Akazałasia, niezakonna
Miedsiastry adnoj z paliklinik Mahilova niedapłacili 2,4 tys. rubloŭ balničnaha. Kab atrymać ich, jana skardziłasia ŭ prakuraturu.
Žycharka Mahilova źviarnułasia sa skarhaju ŭ prakuraturu, bo była nie zhodnaja z naličeńniem joj dapamohi pa časovaj niepracazdolnaści jak za traŭmu, pryčynaj jakoj stała ałkaholnaje apjanieńnie.
Dziaŭčyna patłumačyła, što ciažkuju traŭmu (pierałom kaściej pravaha ściahna), z-za jakoj jana praciahły čas nie mahła samastojna pieramiaščacca i znachodzicca na balničnym ź lipienia 2023 hoda pa ciapierašni čas, jana atrymała na śviatkavańni dnia naradžeńnia svajoj znajomaj u vyniku padzieńnia na jaje dvuch haściej, jakija tancavali pobač.
Zhodna z zakanadaŭstvam, u vypadku zachvorvańnia abo traŭmy, pryčynaj jakoj zjaviłasia spažyvańnie ałkaholu, pamier dapamohi pa časovaj niepracazdolnaści vypłačvajecca nie ŭ poŭnym abjomie: za pieršyja 6 kalandarnych dzion časovaj niepracazdolnaści dapamoha nie naznačajecca; za nastupnyja 6 kalandarnych dzion naznačajecca ŭ pamiery 40 pracentaŭ siaredniadzionnaha zarobku zamiest 80 pracentaŭ, jakija pryznačajuć pa ahulnych padstavach. Za nastupnyja kalandarnyja dni bieśpierapynnaj časovaj niepracazdolnaści — 50 % siaredniadzionnaha zarobku, zamiest 100 pracentaŭ, jakija naležać pa ahulnych padstavach.
Dovady dziaŭčyny pryznanyja abhruntavanymi. Prakuratura pryjšła da vysnovy, što pamier dapamohi nieabhruntavana byŭ vyznačany jak za traŭmu, pryčynaj jakoj stała spažyvańnie ałkaholu. Pryčynaj atrymańnia dziaŭčynaj traŭmy stała padzieńnie na jaje trecich asob.
Pakolki miedycynskaja siastra atrymała traŭmu nie ŭ pracoŭny čas i pa vinie inšych hramadzian, prakuratura zapatrabavała pieraličyć pamier dapamohi pa časovaj niepracazdolnaści.
Dziaŭčynie danaličana i vypłačana 2,4 tysiač rubloŭ, a ŭ dalejšym dapamoha pa časovaj niepracazdolnaści budzie naznačacca i vypłačvacca ŭ pamiery 100 pracentaŭ siaredniadzionnaha zarabotku.
Ultraapracavanyja pradukty mohuć upłyvać nie tolki na naša cieła, ale i na mozh — navukoŭcy
Ličycie hetyja pradukty zdarovymi? Heta mif
Jak miljardy mikraarhanizmaŭ u kišečniku mohuć umacavać vaša psichičnaje zdaroŭje
Jarkija cukierki, marožanaje i sałodkija johurty. Kali vy ich jaście, vaźmiciesia za hałavu
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam36
Kamientary