Zahadčyk vytvorčaści ŭ stałovaj minskaj himnazii №8 Barys Savicki raspavioŭ pra smakavyja pieravahi školnikaŭ i nazvaŭ ich lubimyja stravy, piša sb.by.
U top-5 takich straŭ uvajšli:
- pielmieni sa śmiatanaj i tamatavym sousam;
kuračka «Pikantnaja»;
šašłyčok «Školny» z kurynaha file na špažkach;
tamatavy sup z fasolaj;
płoŭ sa śvininaj.
Barys Saŭrycki taksama padzialiŭsia sakretami prafiesijnaha majsterstva i raspavioŭ, jak hatavać niekatoryja ź pieraličanych straŭ.
Naprykład, kuračku «pikantnuju» treba rabić tak: rychtujem miakać ściahna kuraniat, pasypajem sollu, paprykaj, sušanaj piatruškaj, dadajem śmiatanu i zdrobnieny časnyk.
Zatym atrymanuju masu źmiešvajem i pakidajem marynavacca ŭ chaładzilniku na 30-40 chvilin. Nastupny krok — absmažvajem kuračku na patelni z alejem kala 3-5 chvilin i davodzim da hatoŭnaści ŭ duchoŭcy.
Recept tamatnaha supu z fasolaj nastupny: bulbu režam bruskom abo kubikam, zdrabniajem časnyk, režam morkvu na bujnoj tarcy i pasierujem na alei.
Dalej zakładvajem u kipiačuju vadu bulbu, praz 10-15 chvilin dadajem morkvu. Za piać chvilin da hatoŭnaści ŭ sup adpraŭlajem kansiervavanuju fasolu ŭ tamatnym sousie, siečany časnyk, sušanuju piatrušku i łaŭrovy list.
Darečy, vyśvietliłasia, što bolš za ŭsio minskija školniki nie lubiać stravy z ryby. Pa słovach śpiecyjalista, chłopcy pačynajuć razumieć ich smak tolki bližej da starejšych kłasaŭ.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki29
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary
Ničoha dziŭnaha - praź nizkuju tłustaść mintaj dy chiek ŭłasnaha smaku amal nie majuć, a hatavać ich smačna va ŭmovach "obŝiepita" nadta składana i nikomu nie cikava.