Ekanomika33

ES rychtujecca ŭvieści pošliny na impart zbožža z Rasii i Biełarusi. Nakolki heta zakranie Biełaruś?

Kab supakoić fiermieraŭ i niekatoryja krainy Jeŭrasajuza, Brusel hatovy ŭvieści abmiežavańnie na impart charčovych tavaraŭ z Rasii i Biełarusi. 

Jak piša The Financial Times, Brusiel doŭhi čas supraciŭlaŭsia cisku z boku Polščy i krain Bałtyi, jakija patrabujuć abmiežavać rasijski i biełaruski impart. Kiraŭnictva ES śćviardžała, što taki krok moža parušyć funkcyjanavańnie suśvietnych charčovych rynkaŭ i nanieści škodu krainam, jakija raźvivajucca.

Vydańnie adznačaje, što impart z Rasii ŭ ES zhadanych praduktaŭ — zbožžavych, nasieńnia alejnych kultur i ich vytvornych — dasiahnuŭ rekordnaj adznaki 4 miljony ton u 2023 hodzie, što składaje 1% ad ahulnaha spažyvańnia Jeŭrasajuza.

Kamisar ES pa sielskaj haspadarcy Januš Vajciachoŭski, jaki raniej nazyvaŭ rasijski ekspart zbožža ŭ Polšču «niaznačnym», źmianiŭ svaju pazicyju padčas vizitu na minułym tydni ŭ rodnuju Polšču. «Kali Rasija vykarystoŭvaje charčavańnie ŭ jakaści zbroi, my pavinny reahavać», — cytuje vydańnie słovy jeŭrakamisara.

Raniej premjer-ministr Polščy Donald Tusk zajaviŭ, što Polšča moža pajści ŭśled za Łatvijaj i ŭvieści ŭłasnuju zabaronu na ekspart sielskahaspadarčaj pradukcyi z Rasii i Biełarusi. Adnak Tusk padkreśliŭ, što addaje pieravahu tamu, kab było pryniata ahulnaje rašeńnie ES.

Jak miarkujuć analityki, ES chutčej za ŭsio ŭviadzie handlovyja pošliny, a nie sankcyi, pakolki heta nie zapatrabuje adnahałosnaj uchvały jeŭrapiejskich stalic, jak u vypadku z sankcyjami. Hetaja miera dazvolić pradukcyi prachodzić praź ES pa darozie ŭ Afryku i Aziju.

Pavodle słovaŭ znajomych z płanami ludziej, čakajecca, što ŭ bližejšyja dni Jeŭrapiejskaja kamisija ŭviadzie pošlinu ŭ pamiery 95 jeŭra za tonu na zbožža z Rasii i Biełarusi. Pa słovach surazmoŭcaŭ, heta pryviadzie da rostu koštaŭ jak minimum na 50% i źniščyć popyt. Pošliny ŭ pamiery 50% taksama buduć uviedzieny na nasieńnie alejnych kultur i pradukty ich pierapracoŭki.

Aficyjny pradstaŭnik ES adznačyŭ, što ceny na zbožža znachodziacca na čatyrochhadovych minimumach, a Rasija «vielmi kankurentazdolnaja na rynkach zbožža i akazvaje značny cisk». Pavodle słoŭ subiasiednika, pošlina budzie ŭstanoŭlena na ŭzroŭni, maksimalna dapuščalnym pa praviłach Suśvietnaj handlovaj arhanizacyi. Rasija moža pryniać miery ŭ adkaz, ale jana ŭžo zabaraniła impart bolšaści praduktaŭ charčavańnia ź ES, a mnohija jeŭrapiejskija kampanii, jakija pracujuć u hetym siektary, u apošnija hady syšli z krainy.

Pakazčyki ekspartu biełaruskaj sielhaspradukcyi ŭ ES nie takija vialikija, kab havaryć ab istotnym upłyvie płanujemych pošlin na ekanomiku krainy.

Jak adznačaje «Biełsat», u 2023 hodzie Biełaruś ekspartavała ŭ Polšču zbožža na 201 tysiaču jeŭra (u asnoŭnym hrečku), što na pałovu bolš, čym u 2022 hodzie. U naturalnym vyražeńni ekspart zbožža ŭ 2023-m u paraŭnańni z 2022 pavialičyŭsia ŭ 2,6 raza (s 181,4 da 480,9 ton). Adnak heta našmat mienš za pakazčyk 2021 hoda — tady było 2497,5 ton.

Pa infarmacyi ŭkrainskaj «Ekanamičnaj praŭdy», letaś Polšča zapłaciła Biełarusi za nabytuju sielhaspradukcyju ahułam $55 miljonaŭ. Dla paraŭnańnia, Ukraina atrymała ŭ 24 razy bolš — $1,3 miljarda.

Adnak niemałavažnym zjaŭlajecca toj fakt, što siarod impartu ź Biełarusi byŭ rapsavy šrot (reštki pierapracoŭki rapsu, jakija iduć na korm chatniaj žyviole), impart jakoha z Ukrainy Polšča pad ciskam pratestoŭcaŭ zabaraniła ź vieraśnia 2023 hodu. Bolš za toje, paśla ŭviadzieńnia embarha abjomy pavialičylisia: u kastryčniku-śniežni palaki zakupili ŭ Biełarusi rapsavaha šrotu na $7,7 miljona.

Čytajcie jašče:

Litva pastrožyła kantrol za zbožžam ź Biełarusi i Rasii

Polšča moža ŭvieści embarha na sielskahaspadarčuju pradukcyju ź Biełarusi i Rasii

Čaho chočuć jeŭrapiejskija fiermiery?

Łatvija zabaraniła ŭvoz sielhaspradukcyi ź Biełarusi i Rasii

Kamientary3

  • Brescki syrok
    21.03.2024
    «… impart rapsavaha šrotu z Ukrainy Polšča pad ciskam pratestoŭcaŭ zabaraniła ź vieraśnia 2023 hodu. Bolš za toje, paśla ŭviadzieńnia embarha abjomy pavialičylisia: u kastryčniku-śniežni palaki zakupili ŭ Biełarusi rapsavaha šrotu na $7,7 miljona». - - - Heta ŭsio što treba viedać pra Polšču - imprat z Ukrainy zabaranili, a zamiest hetaha pačali zakupać u pucinskaha i łukašenkaŭskaha režymaŭ. Vo dzie kryvadušniki jakim hrošy nie pachnuć. Darečy, niešta nie bačna kab polskija fiermiery błakavali miažu z RB abo z Kalininhradskaj vobłaściu RF. Mabyć kreml dobra płacić za heta.
  • Adkaz
    21.03.2024
    Jašče bolš buduć jaho pierci praz našu miažu, a polskija rolniki buduć na svaich amierykanskich dranduletach razvozić
  • R
    22.03.2024
    Nasam reč zabarona navat vyhadnaja biełaruskaj ekanomicy, bo uvieś ekspart datacyjny. To bok biełaruski rabočy na hetuju sumu i pakarmiŭ polskaha rabočaha. Mieńš zdolejuć pradać, mieńš vyrablać, buddie mieńš datacyj. Toje samaje i z pradažami małaka i inšaj sielhaspradukcyi u Kitaj i Rasiju, usie jany za naš košt.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Tehieran haryć. Izrailskija źniščalniki praciahvajuć udary, pakul SPA Irana biaśsilnaja16

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Usie naviny →
Usie naviny

Tramp vymušana spyniaje rejdy suprać imihrantaŭ u sielskaj haspadarcy i hatelnym biznesie3

Navukoŭcy znajšli prosty sposab paspryjać rostu raślin — muzyka, ale nie kožnaja20

Ryanair budzie štrafavać pasažyraŭ, jakija parušajuć paradak1

U Homieli 7 hadoŭ tamu pabudavali prybiralniu ledź nie za miljon dalaraŭ. Jak u joj ciapier?4

U Dubai zahareŭsia 67-paviarchovy chmaračos3

Što moža čakać tych, kaho buduć sudzić pa spravie «Biełaruskaha Hajuna»?

Łukašenka parekamiendavaŭ biełarusam nie nalahać na bulbu13

Izrailcianam prychodziać špijonskija paviedamleńni ad karespandentki ANT10

Usploski zakazaŭ picy kala Pientahona mahli śviedčyć pra budučuju ataku na Iran9

bolš čytanych navin
bolš łajkanych navin

Tehieran haryć. Izrailskija źniščalniki praciahvajuć udary, pakul SPA Irana biaśsilnaja16

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Hałoŭnaje
Usie naviny →

Zaŭvaha:

 

 

 

 

Zakryć Paviedamić