Tryvaŭ dva hady: minčuk praz sud usio ž taki prymusiŭ susiedziaŭ źniać šumny kandycyjanier
Mužčyna padaŭ bolš za 200 zvarotaŭ u roznyja instancyi. Susiedzi taksama nie adstupali, zmahajučysia da apošniaj apielacyi, piša Tochka.by.
Dźmitryj usio ž taki damohsia svajho — i ciapier moža žyć u kamforcie.
Jamu zaminaŭ susiedski kandycyjanier: šum, vibracyi pa ścianie. Dva hady mužčyna sudziŭsia, byŭ na miažy fizičnaha źniasileńnia. I voś historyja skončyłasia.
Hulnia na źniasileńnie
Kanflikt pačaŭsia letam 2022 hoda. Miesca dziejańnia — Minsk, šmatpaviarchovik na vulicy Čyhunačnaj.
Tut žyŭ i pakutavaŭ Dźmitryj. Kandycyjanier na łodžyi sumiežnaj kvatery nie davaŭ jamu spać — dakučali šum i vibracyja pa hazasilikatnych ścienach.
Asabliva razdražniaŭ kandycyjanier letam, kali davodziłasia načavać z adkrytym aknom. Dźmitryj dajšoŭ da miažy źniasileńnia — jaho vaha ŭpała da 38 kh.
Susiedzi nastojvali na tym, što klimatyčnuju ŭstanoŭku raźmiaścili pa ŭsich praviłach, pieranosić jaje nie stanuć. Maŭlaŭ, śviežy ramont, miesca ŭstanoŭki ŭzhadnili — pa dakumientach usio ŭ paradku. I navat kandensat pasłužliva adviali.
Dźmitryj prapanavaŭ pakryć vydatki pieranosu kanstrukcyi za svoj košt. Susiedzi admovilisia. Pajšli doŭhija razborki ŭ sudach. Ekśpiertyzy nie raz zamiarali ŭzrovień šumu.
Ščaślivy kaniec
I tolki ŭ pačatku sakavika 2024 hoda historyja skončyłasia chepi-endam dla Dźmitryja. Susiedzi apynulisia nie mienš mocnyja, zmahalisia da apošniaj apielacyi. Sud jaje adchiliŭ.
Rašeńnie suda ŭstupiła ŭ siłu — kandycyjanier susiedzi abaviazany źniać. Nie vykanajuć sami — pryjduć z orhanaŭ prymusovaha vykanańnia.
Dźmitryj pakul žyvie ŭ inšaj arandavanaj kvatery. Źniaŭ jaje, kab vyspacca, pakul išli sudovyja ciažby. Čakaje demantažu šumnaha kandycyjaniera i pierajezdu na raniejšuju, ale taksama zdymnuju kvateru.
Jak patłumačyŭ mužčyna, u jaho jość damoŭlenaść z uładalnikam na vykup nieruchomaści. Jon płanuje tut žyć doŭha, tamu tak apantana i zmahaŭsia za svoj akustyčny kamfort.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ1
Kamientary
A po faktu - to čto možno było riešiť pośle piervoho žie niedovolstva žilca - upiortyje kondicionierŝiki zatianuli na 2 hoda... Pozor....