Chitryja čynoŭniki chacieli znajści siniekuru ŭ prezidyumie UNS. Ale ŭsio pajšło nie tak
Paśla zaviaršeńnia rekrutynhavaj kampanii ŭ Pałatu pradstaŭnikoŭ i Saviet Respubliki, jakaja kaštavała dziasiatkam pravincyjnych čynoŭnikaŭ pasad praz pahłyblenyja pravierki KDB, raspačaŭsia nabor delehataŭ Usiebiełaruskaha narodnaha schodu — tam usio toje ž samaje, tolki jašče bolš zabaŭna.
Za tryccać hadoŭ kiravańnia Łukašenki na dziaržaŭnych pasadach akazvalisia roznyja ludzi. Nie abaviazkova vajaŭničyja jabaćki — praskokvali i asoby, zdolnyja na ŭłasnaje mierkavańnie.
2020 hod, supraćpastaŭleńnie dziaržavy hramadstvu i nastupnyja padziei źmianili i pastrožyli łohiku adboru ŭ viertykal.
Ciapier biezumoŭnaja łajalnaść pry pryznačeńni na palityčnyja i kirujučyja pasady stała abaviazkovaj. Jaje mierajuć pa farmalnych prykmietach: adsutnaść palityčna kampramietujučaj infarmacyi na samoha čynoŭnika i na členaŭ jahonaj siamji.
Pad kampramatam majecca na ŭvazie ŭdzieł u pratestach, demanstracyja pazicyi ŭ sacyjalnych sietkach, hrašovyja pieravody i inšyja prajavy salidarnaści, adnaznačnaja pazicyja adnosna hienacydu ŭkraincaŭ.
Na hetym čynavienstva i paharaje.
Čytajcie taksama: Dokšyckaha čynoŭnika ciahnuli ŭ deputaty, a kali vyjaviłasia, što syn u bazie «Biesparadki» — vyhnali z raboty
Jak infarmujuć «Našu Nivu» surazmoŭcy ź sistemy, čyich pasadaŭ my vydavać nie možam, bo jany niepasredna zadziejničanyja ŭ apisanych padziejach, z rekrutynham va Usiebiełaruski narodny schod (UNS) taksama zdaryłasia trahikamiedyja. Šerah čynoŭnikaŭ užo razumieje, što nie tolki nie atrymaje pramocyi, ale i maje vialiki šaniec vylecieć ź sistemy.
Kali pajšoŭ «nabor» u deputaty i sienatary, niekatoryja admaŭlalisia, raźličvajučy, što vyhadniej budzie pajści va UNS — ci šerahovym udzielnikam, ci navat prabicca ŭ prezidyum UNS.
Prezidyum UNS — heta nie bolš za 15 upłyvovych čałaviek. Źbirać jaho buduć radziej, adkaznaści nie stolki, raboty jašče mienš, ale bonusy ŭ vyhladzie statusu i koła kantaktaŭ tyja ž samyja.
«Razumnyja patencyjnyja pretendenty, chto adnaznačna viedaŭ pra isnavańnie palityčnaha «kampramatu» ŭ svaich siemjach, vyrašyli prosta nie pryciahvać da siabie i da blizkich uvahi orhanaŭ, admoviŭšysia ad pachodu va UNS. I cicha praciahvajuć rabotu na raniejšych pasadach, — kažuć našy infarmavanyja surazmoŭcy,
— a niekatoryja paličyli, što zmohuć praskočyć pilnuju pravierku. Abo ŭvohule i sami nie viedali ab udziele blizkich u pratestach — bo ciapier u «blizkija» zapisvajuć i ŭnukaŭ, i ziacia, i niaviestku. I navat svajakoŭ niaviestak, kali na ich zaviedzienyja kryminalnyja spravy».
U vyniku atrymałasia tak, jak i sa źniatymi z honki kandydatami ŭ deputaty — niekatoryja patencyjnyja delehaty dakładna nie trapiać na schod. Viadoma i pra minimum adnaho top-čynoŭnika, jaki pretendavaŭ na miesca ŭ prezidyumie UNS, ale ciapier znachodzicca pad padazreńniem.
«Prynamsi paru maich znajomych užo prainfarmavali, što ŭ ich surjoznaja situacyja, ni pra jakoje vyłučeńnie va UNS havorki iści nie moža. A ich ułasny los budzie vyznačacca načalstvam u kaapieracyi sa słužbami dziaržbiaśpieki. I nie fakt, što ŭdasca praciahnuć pracu», — raskazvaje krynica.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1111
Kamientary