Franak Viačorka prapanuje pradać svoj hadzińnik za $5 tysiač praz dabračynny aŭkcyjon
Daradca Śviatłany Cichanoŭskaj adreahavaŭ na skandał u sacsietkach.
Franak Viačorka zapeŭnivaje, što ŭ tym fakcie, što nieviadomy biznesmien padaryŭ jamu darahi hadzińnik, niama karupcyjnaha składniku. «Heta było jašče da taho, jak źjavilisia ŭsie ofisy i kabiniety. Čałaviek [, jaki daryŭ,] nie žyvie ŭ Biełarusi, nie viadzie tam biznesu, i nijak heta nie źviazana z łabiravańniem intaresaŭ», — napisaŭ jon u kamientarach u fejsbuku.
«Mnie hadzińnik 100 hod nie patrebny, jon mocna ŭžyvany, i naŭrad ci jaho ŭdasca kamuści pradać», — razvažaje Franak Viačorka.
Tym nie mienš paśla rozhałasu jon padumvaje pradać hadzińnik praz aŭkcyjon. «Dadatkovuju vartaść jon sapraŭdy atrymaŭ, to ja vyśvietlu ŭ taho čałavieka (jaki ŭžo, mabyć, sam škaduje praz hetuju niedarečnuju situacyju), ci nie suprać jon, kab zrabić niejki aŭkcyjon na patreby vajaroŭ ci palitviaźniaŭ».
Nahadajem, što ŭ efiry «Biełsata» Viačorka raskazaŭ pra svoj hadzińnik Omega Seamaster Planet Ocean koštam 5-9 tysiač dalaraŭ:
«Mnie jaho padaravaŭ čałaviek, jaki vielmi šmat spryčyniŭsia da biełaruskaj spravy. Zajmaŭsia i da 2020 hoda, i paśla 2020-ha adradžeńniem biełaruskich miaścinaŭ. Mnohija jaho viedajuć taksama. Nu jon, napeŭna, pabačyŭšy, što ŭ mianie niama hadzińnika, prosta źniaŭ svoj z ruki i skazaŭ: voś tabie, kab chutčej viarnucca ŭ Biełaruś».
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary