U Arenburhu ŭklučyli sireny i zapatrabavali ad žycharoŭ terminova źjechać ź niebiaśpiečnych rajonaŭ. Za noč uzrovień vady padniaŭsia na 25 sm, da niebiaśpiečnaha ŭzroŭniu zastałosia 33 sm.
U Arenburhu prahučała sirena, uzrovień vady ŭ race Urał nabliziŭsia da niebiaśpiečnaj adznaki i składaje 897 sm, piša RBK.
«Usim, chto znachodzicca ŭ zonie mahčymaha padtapleńnia, nieabchodna nieadkładna evakujavacca», — zapatrabavali ŭłady.
U Arenburhu ŭzrovień vady padniaŭsia za noč na 25 sm, da dasiahnieńnia niebiaśpiečnaj adznaki zastajecca 33 sm.
Ułady čakajuć, što ŭ nastupnyja sutki ŭzrovień vady ŭ rekach Urał i Sakmara vyraście na 5-40 sm, z-za čaho buduć padtopleny niekalki rajonaŭ Arenburha, nasielenyja punkty Paŭdniovy Urał, Horny, Farštat, Viasnovy, Kavalski, Niežynka i inšyja.
«Situacyja z pavodkaj u Arenburhu praciahvaje paharšacca. Vada va Urale i Sakmary prybyvaje i zachoplivaje ŭsio bolš terytoryj, raźmieščanych u patencyjnych zonach padtapleńnia», — pryznali ŭ meryi. U najbližejšyja dni horad sutykniecca ź biesprecedentnaj pavodkaj, papiaredzili ŭłady horada.
Uzrovień vady ŭ Orsku, častkova zatoplenym z-za pavodki raki Urał, źniziŭsia na 35 sm, paviedamiła pres-słužba ŭrada Arenburhskaj vobłaści. Ciapier vada dasiahaje adznaki 928 sm. niebiaśpiečnym ličycca ŭzrovień vady 700 sm.
Da ranicy 9 krasavika ŭ vobłaści padtoplenyja 10,3 tys. žyłych damoŭ i 12,8 tys. prysiadzibnych učastkaŭ, stychija zakranuła 27 municypalitetaŭ i 73 nasielenyja punkty. Evakujavana 6,4 tys. čałaviek, u tym liku 1,7 tys. dziaciej.
Orsk — siarod najbolš paciarpiełych: tam padtapiła amal 7 tys. damoŭ z prysiadzibnymi ŭčastkami, evakujavana 2,4 tys. čałaviek, siarod ich kala 800 dziaciej.
Ciapier čytajuć
Siłaviki zatrymali lidara hurta «Pałac» Aleha Chamienku3
Kamientary