Śviet66

Kiraŭnik MUS Estonii prapanavaŭ pryznać RPC terarystyčnaj arhanizacyjaj

Kab zabaranić dziejnaść Maskoŭskaha patryjarchata na terytoryi krainy.

Patryjarch Kirył. Fota: Yegor Aleyev/TASS Host Photo Agency Pool Photo via AP

Ministr unutranych spraŭ Łaŭry Laeniemiets zajaviŭ, što maje namier prapanavać Ryjhikohu (parłamientu krainy) pryznać Maskoŭski patryjarchat terarystyčnaj arhanizacyjaj, kab zabaranić jaho dziejnaść u Estonii, paviedamlaje Postimees.ee.

Pradstaŭnik Estonskaj pravasłaŭnaj carkvy Maskoŭskaha patryjarchatu (EPC MP) zajaviŭ u aŭtorak, što jany nie znachodziacca ŭ pramym padnačaleńni maskoŭskaha patryjarcha i nie mohuć nieści adkaznaść za vykazvańni ŭ padtrymku vajny Rasii suprać Ukrainy, jakija hučać u Maskvie. Tym samym miascovaja carkva, pa sutnaści, adkinuła patrabavańnie Laeniemietsa vyjści z padparadkavańnia patryjarcha Kiryła.

Pa słovach Łaŭry Laeniemietsa, hruntujučysia na ekśpiertyzie MUS i acency palicyi biaśpieki, u jaho jak u ministra ŭnutranych spraŭ nie zastajecca inšaha vybaru, akramia jak samomu pryniać miery dla razryvu suviaziaŭ pamiž EPC MP i maskoŭskim patryjarcham.

«Z ulikam najaŭnaha kantekstu, u mianie jak u ministra ŭnutranych spraŭ, niama inšaha vybaru, akramia jak prapanavać Ryjhikohu abviaścić Maskoŭski patryjarchat terarystyčnym, jaki padtrymlivaje teraryzm ŭ svajoj dziejnaści. Ministr unutranych spraŭ zmoža źviarnucca ŭ sud i prapanavać spynić dziejnaść dziejnaj tut carkoŭnaj arhanizacyi.

Heta nie paŭpłyvaje na viernikaŭ, heta nie aznačaje, što chramy buduć začynienyja, ale heta aznačaje, što suviazi z Maskvoj buduć razarvanyja», — skazaŭ ministr.

«My pavinny razumieć, što siońnia Maskoŭski patryjarchat padparadkoŭvajecca Uładzimiru Pucinu, jaki, pa sutnaści, kiruje terarystyčnaj dziejnaściu ŭ śviecie», — dadaŭ jon.

Pa słovach Laeniemietsa, Ryjhikohu ŭžo prymaŭ takuju zajavu i abjaŭlaŭ Rasiju terarystyčnaj dziaržavaj.

Pa słovach Laeniemietsa, za dva hady znachodžańnia na pasadzie ministra ŭnutranych spraŭ jamu daviałosia čatyry razy vyklikać pradstaŭnikoŭ EPC MP pa pytańniach biaśpieki. Adnak zajava, pryniataja Saboram RPC u krasaviku (malicca ab pieramozie ŭ vajnie suprać Ukrainy), vyvieła situacyju ź biaśpiekaj na novy ŭzrovień.

Kamientary6

  • Impat
    12.04.2024
    Całkam zhodny. Tyja chto abviaščajuć džychad cyvilizavanamu śvietu pavinny ličycca terarystyčnaj arhanizacyjaj
  • ...
    12.04.2024
    Putin błahodaria takim, kak pop Hundiaj, vtoptał v hriaź i vieru.
  • Ščyry Biełarus
    12.04.2024
    Daŭno para, praŭda, harlivy litvin?

Ciapier čytajuć

Vypusknica z Baranavičaŭ nabrała 400 bałaŭ z 400 mahčymych dla pastupleńnia

Vypusknica z Baranavičaŭ nabrała 400 bałaŭ z 400 mahčymych dla pastupleńnia

Usie naviny →
Usie naviny

Izrail aficyjna pryznaŭ, što pieradaje Ukrainie sistemy SPA

«Vyjšła ŭ les, kryčała i płakała». Palitźniavolenaja rasijanka z vokładki «KP» raskazała pra svajo źniavoleńnie i departacyju2

Za zdymki na vakzale ŭ viciebskim SIZA trymajuć aršanca Jaŭhiena Bodrykava2

«Praca ciažkaja, ale plon natchniaje». Sioletni kłubničny siezon praciahniecca daŭžej, čym zvyčajna

Na Ziamli jość niabačnaja miaža, jakuju žyvioły nie pierasiakajuć. Voś čamu2

Wildberries nazvała «skałanańniem pavietra» čutki pra zapusk joj taksi1

Niezvyčajna: pčoły pakryli «chustkaj» skulpturu Baharodzicy ŭ Dziatłavie FOTA9

U Navapołacku RPC adkryje śpiecyjalny chram dla dziaciej3

U Biełarusi ŭvodziać novyja valutnyja abmiežavańni2

bolš čytanych navin
bolš łajkanych navin

Vypusknica z Baranavičaŭ nabrała 400 bałaŭ z 400 mahčymych dla pastupleńnia

Vypusknica z Baranavičaŭ nabrała 400 bałaŭ z 400 mahčymych dla pastupleńnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić