Kiraŭnika pryvatnaj homielskaj telekampanii asudzili ŭžo druhi raz, a jahony namieśnik prapaŭ bieź viestak
Viadomaha homielskaha biznesmiena, zasnavalnika i dyrektara pryvatnaj rekłamnaj telekampanii «FiłTV» Vitala Filinskaha ŭžo dvojčy asudzili za «raspaŭsiud ekstremisckich materyjałaŭ». Pavodle infarmacyi vydańnia «Fłahštok», pieršy sud, jaki adbyŭsia ŭ kancy sakavika, skončyŭsia dla biznesmiena 15 sutkami aryštu, a paśla jaho asudzili paŭtorna, pryznačyŭšy čarhovyja 15 sutak.
Takim čynam, Filinski praciahvaje zastavacca za kratami ŭ izalatary časovaha ŭtrymańnia. Vierahodna, padstavaj dla pieraśledu mahli pasłužyć niejkija publikacyi abo reposty ŭ sacsietkach — paśla aryštu staronki Filinskaha ŭ fejsbuku i «Vkontaktie» byli vydalenyja.
Pa tym ža abvinavačvańni niadaŭna sudzili inšaha bujnoha homielskaha biznesmiena — Navuma Kaca. Abodva pradprymalniki źjaŭlajucca členami hramadskaha abjadnańnia sadziejničańnia raźvićciu pryvatnaha pradprymalnictva «Adzinstva».
Što tyčycca «FiłTV», to heta adzinaje ŭ Homielskaj vobłaści rekłamnaje ahienctva poŭnaha cykłu, jakoje zajmajecca raspracoŭkaj rekłamnaj idei, jaje ŭvasableńniem i raźmiaščeńniem atrymanaha rekłamnaha praduktu na TB-kanałach.
Kampanija paśpiachova pracavała z 1996 hoda, vykonvała, u tym liku, dziaržzamovy. Naprykład, zdymała film dla Savieta Respubliki. Adnak u apošnija hady ŭ pradpryjemstva pačalisia prablemy — niahledziačy na heta, jano praciahvała pracu, choć i va ŭrezanym vyhladzie.
Ciapier kampanija zastałasia ŭvohule biez kiraŭnictva, bo nieŭzabavie paśla aryštu Filinskaha źnik bieź viestak jahony namieśnik Andrej Vińnikaŭ. Unačy 1 krasavika mužčyna vyjšaŭ z domu ŭ nieviadomym kirunku i nie viarnuŭsia. Užo dva tydni jaho šukajuć milicyja i vałanciory.
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?3
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić66
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić6
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Kamientary