Žonka prakurorskaha načalnika napisała ŭ KDB — kab muža prybrali z rasstrelnaj kamandy
Pakolki ŭ Biełarusi vynosiacca śmiarotnyja prysudy, jość i hrupa ich vykanańnia. Heta rabotniki roznych viedamstvaŭ, jakija zabiaśpiečvajuć praceduru. Skład hetaj hrupy nieviadomy, ale ciapier apubličyŭsia prynamsi adzin z udzielnikaŭ, Juryj Haroška. Jaho sakretny zaniatak nazvała žonka Śviatłana Haroška — u zvarocie na imia staršyni KDB.
Juryj Haroška — načalnik upraŭleńnia pa nahladzie za vykanańniem zakanadaŭstva orhanami kryminalna-vykanaŭčaj sistemy i prymusovaha vykanańnia Hienieralnaj prakuratury. Jaho žonka Śviatłana napisała ŭ KDB z prośbaj, kab muža vyklučyli z hrupy vykanańnia śmiarotnych prysudaŭ.
Matyvacyja žančyny prostaja — baicca, što pry «niespakojnaj palityčnaj abstanoŭcy» chto-niebudź pačnie pomścić dzieciam i ŭnukam prakurorskaha rabotnika.
«Źviartajusia da staršyni KDB z prośbaj paspryjać vyklučeńniu z hrupy vykanańnia śmiarotnych prysudaŭ načalnika ŭpraŭleńnia Hienprakuratury Haroški Ju.I, tamu što infarmacyja straciła status sakretnaści i vyjšła ŭ masy, heta stała niebiaśpiečna. U nas z Haroškam Ju.I. supolnyja dzieci i ŭnuki. U suviazi ź niespakojnaj palityčnaj abstanoŭkaj ja vielmi zaniepakojenaja za biaśpieku svaich dziaciej i ŭnukaŭ. Vialikaja prośba ŭvajści ŭ majo stanovišča i dapamahčy ŭ vyrašeńni hetaha pytańnia, tym samym zaścierahčy maich dziaciej i samu hrupu», — napisała Śviatłana Haroška.
Čamu žonka prakurorskaha rabotnika vyrašyła pisać mienavita ŭ KDB, niezrazumieła. Jak i nieviadoma, jaki adkaz joj dali.
Kamientary