Prezidenta Łatvii ledź nie źbili na piešachodnym pierachodzie. Dy jašče i nasvarylisia, što nie hladzić pa bakach
«Spadar prezident, pierš čym pierajści vulicu, nieabchodna pahladzieć naleva i naprava!»
Učorašniaja ranica ledź nie skončyłasia trahiedyjaj nie tolki dla Edhara Rynkieviča, ale i dla ŭsioj Łatvii. Prezidenta dziaržavy ledź nie źbili na piešachodnym pierachodzie, piša press.lv.
Pra incydent u sietcy Ch paviedamiŭ sam jaho niepasredny ŭdzielnik — kiraŭnik słužby navinaŭ Łatvijskaha radyjo Uhis Libijecis, abvinavaciŭšy samoha Rynkieviča ŭ niaŭvažlivaści.
«Na piešachodnym pierachodzie śpiecyjalna zatarmaziŭ, kab nie najechać na palcy noh. Edhar Rynkievič i jaho ciełaachoŭniki! Spadar prezident, pierš čym pierajści vulicu, nieabchodna pahladzieć naleva i naprava! Toje ž samaje dla ciełaachoŭnikaŭ…»
Adnak mnohija karystalniki internetu ździvilisia emocyjam kiroŭcy.
— Jak heta — śpiecyjalna tarmazić pierad piešachodnym pierachodam?
— Kali b nie prezident, nie prytarmaziŭ by, tak?
— Ruchajciesia pavolniej i budźcie aściarožniej na piešachodnym pierachodzie, i vam nie pryjdziecca «śpiecyjalna» tarmazić, kab prapuścić jaho ŭdzielnikaŭ, jakija «raptam» i «niečakana» źjavilisia na pierachodzie. Dzieci taksama mohuć nie hladzieć, ale vy ździviciesia i nie zmožacie tarmazić «śpiecyjalna».
— Ja tak i baču zahałovak «Kiraŭnik słužby navin Łatvijskaha radyjo ledź nie źbiŭ prezidenta».
Sam Rynkievič pažartavaŭ: «Presa sprabuje na mianie najechać!»
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia2
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary