Bondarava zaniałasia fizijałohijaj mozha: vyjaviła źmieny hipofiza pry mienstruacyi

Aktyvistka Kampartyi Volha Bondarava raniej śpiecyjalizavałasia na pošukach «ekstremizmu» ŭ tvorach biełaruskaj litaratury i pracach historykaŭ. Jana vykryvała nie tolki «nacyjanalistyčnyja pałanizmy» ŭ biełaruskaj leksicy, ale i pisała danosy na daśledčykaŭ i tvorcaŭ. Sama Bondarava nie tolki nie maje vyšejšaj adukacyi, ale ŭ svaje 41 hod amal nie maje pracoŭnaha stažu — kali nie ličyć karotkaha pieryjadu pracy ŭ haziecie Kampartyi, ale jaje apantanyja danosy stanavilisia padstavaj jak dla represij suprać asobnych ludziej, tak i mieli nastupstvam zabaronu knih i navukovych prac.

Ciapier śfiera jaje intaresaŭ pašyrałasia, jak i koła asob, jakija stanoviacca abjektami jaje atak. U svaim učorašnim dopisie Volha Bondarava atakuje prapahandysta z Russia Today Kanstancina Prydybajłu. Jana vinavacić jaho ŭ homaseksualnaj aryjentacyi. Na karyść hetaha jana pryvodzić dovady z haliny bijałohii. Jana piša:

«U zadniepryvadnych pamier hipofizu ŭ 4 (!) razy pieravyšaje normu. Dla paraŭnańnia, u žančyny hipofiz pavialičvajecca padčas mienstruacyi, što vyjaŭlajecca ŭ padvyšanaj emacyjnaści. Vy ŭjaŭlajecie, jak zaškalvajuć emocyi ŭ pid@r@saŭ?

Moža, u hetym kryjecca pryčyna babskich isteryk Prydybajły ŭ pytańni, jakoje datyčycca preziervatyvaŭ, jakija abaraniajuć piedykaŭ ad vospy małpaŭ?» — zadajecca pytańniem Bondarava.

Adznačym, što infarmacyja pra roźnica ŭ pamiery hipofizu ŭ zaležnaści ad seksualnaj aryjentacyi — niepraŭdzivaja. Nijakich istotnych źmien u hetaj załozie ŭ žančyny ŭ «krytyčnyja dni» nie adbyvajecca.

Nie paćvierdžana navukovymi daśledavańniami i śćviardžeńnie ab adroźnieńniach u pamierach hipofiza pamiž mužčynami roznaj sieksualnaj aryjentacyi.

Śćviardžeńnie advarotnaha — łysienkaŭščyna, u renTVšnaj jaje ipastasi.

Krynicaj infarmacyi dla Volhi Bondaravaj staŭ artykuł rasijskaha šarłatana Mikałaja Levašova, jaki pazicyjanavaŭ siabie jak ekstrasensa i lekara.

U pieryjad 1990-ch i da svajoj śmierci ŭ 2012 hodzie Levašoŭ aktyŭna raspaŭsiudžvaŭ svaje idei, jakija vyłučalisia rasizmam i antysiemityzmam. Jaho knihi ŭ Rasii pryznanyja ekstremisckimi. Adnak da siońnia ŭ internecie zastajecca sajt ź jaho publikacyjami, a ŭ Runecie možna znajści zapisy ź lekcyjami Levašova. 

Heta nie pieršaja ataka Bondaravaj na Prydybajłu, paśla taho jak prapahandyst ź biełaruskimi karaniami vykazaŭ mierkavańnie, što Bondarava i iže ź joju svaim ciemrašalstvam dyskredytujuć aficyjnyja ŭłady Biełarusi.

«Časam idyjotaŭ treba izalavać ad hramadstva, navat kali jany abmazanyja z noh da hałavy «patryjatyzmam». Heta škodnictva i idyjatyzm, a nie patryjatyzm. Mienavita hetyja turbapatryjoty z adnoj niahnutkaj źvilinaj pryviaduć nas da toj samaj «Paŭnočnaj Karei», — pisaŭ pra Bondaravu Prydybajła.

U adkaz u adnym z turbałukašysckich kanałaŭ Prydybajłu pahrazili: «Lepiš z Volhi šyzapatryjotku, a my źlepim ź ciabie p***sa».

Pajšła ŭ kontrataku na supracoŭnika Russia Today i asabista Bondarava: «Zadniepryvadny (homaseksualnaj aryjentacyi — NN) rasijski žurnalist, jaki ŭziaŭsia razdavać biełarusam parady adnosna ich intymnaha žyćcia, apraŭdvaje prastytucyju niepaŭnaletnich i pałavyja vyčvarenstvy», — hrymieła jana.

Varta patłumačyć, što ŭ Rasii i ŭ łukašenkaŭcaŭ ludzi homaseksualnaj aryjentacyi ciapier vykonvajuć tuju ž rolu, što jaŭrei ŭ nacysckaj Niamieččynie. Im prypisvajecca hienietyčnaja i maralnaja inakšaść. Prapahanda vybrała ich u jakaści tych vorahaŭ i «inšych», jakim prypisvajucca niečyścinia i ŭsie śmiarotnyja hrachi, a ačyščeńnie rasijskaha i biełaruskaha hramadstvaŭ, a ŭ pierśpiektyvie i ŭsiaho čałaviectva ad ich malujecca ŭ jakaści śviatoj mety i adziny šlach da ŭratavańnia śvietu ad hibieli.

Tamu Prydybajłu davodziłasia skanfužana tłumačycca: «Ja zajšoŭ u kamandziroŭcy ŭ numar siabra, a jon tam jašče spaŭ, a my niekudy spaźnialisia — heta ŭsio p***c p***rastyja».

@nashaniva Bondarava napisała danos na niaviestku Łukašenki #annasiełuk #biełaruś #łukašienko #biełaruśnovosti #biełaruskajamova #biełaruśnovosti #našaniva ♬ Funny Guy - Parry Music

Raniej cikavaść Bondaravaj da adnoj ci druhoj śfiery było nieadmiennaj prykmietaj, što joju cikaviacca i «navukoŭcy» z HUBAZiKa.

Adpaviedna, niekali aryšt samoj Bondaravaj za raspalvańnie mižnacyjanalnaj i sacyjalnaj varožaści budzie pieršym simptomam źmieny dziaržaŭnaj palityki Biełarusi i adnaŭleńnia zakonnaści ŭ krainie.

• 3
• 0
• 15
• 21
• 0
• 3
• 7
• 0