Novy ekstrym u Hrodnie: tam katajuć na niezvyčajnych matacykłach. Tolki ceny kusajucca
Častku ŭnutranaj parkoŭki handlovaha centra OldCity addali pad arendu dryft-trajkaŭ. Pakatacca za płatu zmoža luby achvočy, starejšy za 16 hadoŭ. Pahladzieli košty i praviły vykarystańnia, piša Hrodna.life.
Dryft-trajk — heta trochkołavy transpartny srodak z pavyšanaj manieŭranaściu i zdolnaściu da dryftu, dziakujučy čamu jon nabyvaje ŭsio bolš papularnaści siarod amataraŭ ekstremalnych vidaŭ sportu.
Placoŭka dla novaj u Hrodnie ekstremalnaj zabavy adkryta z 8 traŭnia. Jaje abnieśli časovaj aharodžaj i raźmiecili konusami. Za terytoryju vyjazdžać zabaroniena. Košty na arendu takija:
- 10 chvilin — 18 rubloŭ,
- 20 chvilin — 33 rubli,
- 30 chvilin — 45 rubloŭ.
Kali pieravysić čas arendy, apłata budzie zdymacca jak za 10 chvilin.
Da kiravańnia dryft-trajkam nie dapuściać ciažarnych žančyn, dziaciej da 16 hadoŭ i ludziej u stanie ałkaholnaha abo narkatyčnaha apjanieńnia.
Pakul placoŭka pracuje ŭ testavym režymie, z 10.00 da 22.00.
Kamientary