Minski haradski sud 16 traŭnia vynies zavočny prysud pa kryminalnaj spravie vykanaŭčaha sakratara Kaardynacyjnaj rady, siabra arhkamiteta pa stvareńni partyi «Razam» Ivanu Kraŭcovu. Spravu razhladała sudździa Anžeła Kaściukievič, piša «Viasna».
Ivan Kraŭcoŭ
Śpiecyjalnuju vytvorčaść u dačynieńni da palityčnaha aktyvista Śledčy kamitet raspačaŭ 23 studzienia 2024 hoda.
Ivana Kraŭcova abvinavačvajuć pa čatyroch artykułach Kryminalnaha kodeksa:
- č. 1 art. 361-1 («Stvareńnie ekstremisckaha farmiravańnia albo ŭdzieł u im»);
- č. 4 art. 209 («Machlarstva»);
- č. 1 art. 357 («Zmova ci inšyja dziejańni, učynienyja z metaj zachopu dziaržaŭnaj ułady»);
- č. 3 art.130 («Raspalvańnie inšaj sacyjalnaj varožaści abo varažniečy»)
Pa sukupnaści ŭsich artykułaŭ Kraŭcovu pryznačana kančatkovaje pakarańnie ŭ vyhladzie pazbaŭleńnia voli na termin 11 hadoŭ z adbyvańniem u papraŭčaj kałonii va ŭmovach uzmocnienaha režymu.
Dla abvinavačańnia pavodle č. 4 art. 209 KK («Machlarstva), jakoje pieršapačatkova fihuravała ŭ raskładzie, sud naležnych padstaŭ nie znajšoŭ.
Ivan Kraŭcoŭ — palityčny aktyvist, architektar, mieniedžar, vykanaŭčy sakratar Kaardynacyjnaj rady, siabra arhkamiteta pa stvareńni partyi «Razam» i kamandy kandydata ŭ prezidenty Biełarusi na vybarach 2020 hoda Viktara Babaryki.
Kraŭcova zatrymali razam z Maryjaj Kaleśnikavaj, Antonam Radniankovym, Hlebam Hiermanam i Maksimam Bahracovym 7 vieraśnia 2020 hoda. Na druhi dzień Kraŭcova, Radniankova i Kaleśnikavu vyvieźli na miažu z Ukrainaj. Tady Radniankoŭ i Kraŭcoŭ pierasiekli miažu, a Maryja Kaleśnikava była ŭziataja pad vartu pamiežnikami, bo parvała svoj pašpart.
«Čamu ciahniki nie chodziać u Vilniu? Što, Łukašenka karystajecca elektryčkami?» — Kraŭcoŭ
Ivan Kraŭcoŭ raspavioŭ pra los svajho baćki — bujnoha bankira, jakoha aryštavali
Što členy štaba Babaryki šukali ŭ Maskvie
Što sa stanam zdaroŭja Babaryki
Pra pošuki padtrymki ŭ Kramli, pasadku baćki-bankira, insajdy vybaraŭ-2020 i Viačorku. Novy «Tok» ź Ivanam Kraŭcovym
«Stajać na svaim, kožny na kolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii4
Kamientary