Siabar štaba Viktara Babaryki Ivan Kraŭcoŭ u vypusku «Tok» raspavioŭ, što viadoma pra stan zdaroŭja palityka.
Ivan adznačaje, što ciapier infarmacyja pra zdaroŭje palitźniavolenych — vialikaja prablema. Heta tyčycca i infarmacyi pra Viktara Babaryku.
«My nie zmahli niečymi vačyma, naprykład, rodnych (viadoma, što jany, zvyčajna, pa videasuviazi sazvońvajucca), zapeŭnicca, što ź im usio ŭ paradku. Heta pryhniataje. Ź inšaha boku, jość infarmacyja z kałonii, što jon u paradku. I my hetaj infarmacyi schilnyja daviarać», — havoryć Ivan.
Pavodle jaho słoŭ, jość krynicy, dziakujučy jakim možna zaŭsiody atrymać infarmacyju z kałonii ci balnicy. I blizkija jaje atrymlivali. Tamu, havoryć Ivan, «pieražyvańnia, što ź im zusim drenna, u nas niama».
Kraŭcoŭ zaŭvažaje, što nie razumieje łohiki źmieny adnosin uładaŭ da palitźniavolenych.
«Pačynajučy z hetaha Novaha hoda ŭsich izalavali. Ale tut nie zaŭsiody patrebnaja łohika. Kali ty heta možaš zrabić, to čamu ty nie robiš. Voś jany i zrabili. Moža, dziŭna, što raniej heta było tak dastupna».
Viktara Babaryku, miarkujučy z najaŭnaj infarmacyi, u noč z 24 na 25 krasavika špitalizavali ŭ balnicu Navapołacka. 12 maja ad pravaabaroncaŭ źjaviłasia infarmacyja, što da svajho atrada ŭ navapołackaj kałonii jon nibyta ŭžo nie prypisany, a paźniej — pra toje, što jaho nibyta pieraviali ŭ turemnuju balnicu pry SIZA-1 u Minsku. 17 lipienia svajaki palityka trapili na pryjom u navapołackuju kałoniju. Tam im paviedamili, što Viktar Babaryka znachodzicca ŭ ich. Jaho źmiaścili ŭ pamiaškańnie kamiernaha typu (PKT), kudy adpraŭlajuć za parušeńni na peŭny termin. Skazali, što jaho zdaroŭju ničoha nie pahražaje, ale jaho samoha nie pakazali.
Hladzicie całkam:
Ciapier čytajuć
U Cierciela prahučaŭ novy akcent: «razradka ŭ cełym toj napružanaści» ŭ adnosinach z Polščaj i Bałtyjaj16
Kamientary
miascovy2, u 20-m što - byli apanienty?
Tiebie bolno, bot?