Knyrovič: Budučy prezident Biełarusi znachodzicca ciapier u Biełarusi
Pradprymalnik Alaksandr Knyrovič u novym vypusku TOKu parazvažaŭ, ci zmohuć Cichanoŭskaja ci Łatuška ŭznačalić krainu paśla pieramien.
Alaksandr Knyrovič upeŭnieny, što budučy prezident Biełarusi znachodzicca ciapier u Biełarusi, a nie siarod tych, chto ŭ emihracyi.
«Mahčyma, jon siadzić u turmie. Mahčyma, heta Kaleśnikava, Babaryka ci Cichanoŭski. Mahčyma, jon pracuje ciapier niedzie na Traktarnym zavodzie. I heta budzie niejki typaž Lecha Valensy, jaki budzie razburalnikam. Ale heta dakładna nie Cichanoŭskaja.
Na Śviatłanu Hieorhijeŭnu zvaliŭsia ahramadny ciažar. Jana robić usio, što ŭ jaje siłach. Jość taksama masa krytyki. Jana całkam spraviadlivaja. Tamu što za try hady ŭsie razmovy ab tym, što jana ź inšaha asiarodździa, u jaje inšy vopyt, pavinny byli b užo skončycca. Jana ŭžo try hady jak palityk. Palityk jana voś taki. I pavaha da jaje raboty ŭ mianie, biezumoŭna, jość.
[Ale] na vybarach prezidenta ja b za jaje nie hałasavaŭ».
Knyrovič raskazaŭ taksama pra svajo staŭleńnie da Paŭła Łatuški:
«Šykoŭna. Ja baču ŭ im aŭtakrata, čałavieka, u jakoha vielmi mocnaje adčuvańnie ŭłasnaha «ja».
Knyrovič zaŭvažaje, što kali havoryć pra vialikuju pavahu da palityka, to nie žartuje.
«Ciapier vielmi ciažkija časy. Vielmi vialikaja depresija. My žyviom u časy represij, časy reakcyi, jakaja pieramahła. Dla taho, kab zachoŭvać enierhiju baraćby, nieabchodna viera. Na ŭzroŭni łohiki heta nie pracuje. Pavieł Paŭłavič — čałaviek, u jakoha hetaja viera jość. Toje, jak apantana jon praciahvaje rabić toje, što robić, nie majučy vialikich, značnych vynikaŭ…
Ale try hady praciahvać bić u adnu kropku i być Paŭłam Paŭłavičam Łatuškam — heta darahoha kaštuje. U dobrym sensie jon varjat. I nam bieź jaho było b našmat horš. Tamu ja da jaho staŭlusia vielmi dobra i žadaju praciahvać rabić toje, što jon robić, da pieramohi. Žadaju, kab jon ubačyŭ pieramohu».
Hladzicie całkam:
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!1
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary
Jana budzie smaktać flejtu, jak indyjcy nad kobraj i krucić palcami dupki.
Narodu takoje spadobicca.
Navat vumny ))