«Sprava vielmi surjoznaja». U Polščy praciahvajecca sprava padazravanych u dyviersijach i sabatažy
Dyviersii płanavalisia ŭ Polščy, Litvie, Łatvii i Šviecyi.
U Polščy raniej aryštavanyja dzieviać čałaviek, jakija padazrajucca ŭ padrychtoŭcy aktaŭ sabatažu pa zadańni rasijskich śpiecsłužbaŭ, paviedamiŭ viečaram u paniadziełak premjer-ministr Polščy Donald Tusk, piša TVN24.
«Što tyčycca aktaŭ sabatažu i dyviersii, to sprava vielmi surjoznaja. Heta tyčycca niekalkich jeŭrapiejskich krain. Na hety momant, biezumoŭna, Litvy, Łatvii, Polščy. Sa Šviecyi taksama pastupajuć sihnały ab tym, što jany zaniepakojenyja tym, što niekatoryja ź dziŭnych padziej taksama mohuć być vynikam sabatažu», — raskazaŭ Tusk.
Tusk raskazaŭ, što na hety momant aryštavanyja dzieviać padazravanych, jakija niepasredna na daručeńnie rasijskich słužbaŭ udzielničali ŭ aktach sabatažu ŭ Polščy.
«My havorym pra najomnych ludziej. Časam heta ludzi z kryminalnaha śvietu. Heta tyčycca jak ukrainskich, tak i biełaruskich hramadzian Polščy», — adznačyŭ jon.
Tusk raskazaŭ, što va Urocłavie była sarvanaja sproba padpału zavoda pa vytvorčaści farbaŭ, pobač znachodziŭsia chimičny zavod.
«I heta było na daručeńnie rasiejskich słužbaŭ, što było zajaŭlena ŭžo biassprečna», — raskazaŭ polski premjer.
Jon taksama adznačyŭ, što akt sabatažu mieŭ miesca ŭ Vilni na minułym tydni, kali adbyŭsia pažar na składzie ŭ Ikea.
«Tyja ž ludzi, jakija byli zatrymanyja tam, mohuć taksama mieć dačynieńnie da sprobaŭ dyviersijnych akcyj, havorka idzie ŭ asnoŭnym ab padpałach, u tym liku na terytoryi Polščy», — dadaŭ jon.
Udakładnieńnie
Z pačatkovaha varyjantu tekstu vynikała, što aryšty adbylisia niadaŭna. Nasamreč, heta nie tak. Havorka pra dzieviać čałaviek, aryštavanych raniej pa spravach dyviersij u Polščy.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim10
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary
⚡️V Hiermanii krupnyje sboi v rabotie śviazi
Problema zatronuła nieskolko kompanij: krupniejšije opieratory 1&1, Telekom i O2 ispytyvajut problemy so śviaźju stacionarnych tielefonov i intiernietom, klijenty Postbank soobŝajut o problemach s onłajn-bankinhom. Jesť soobŝienija o sbojach i ot polzovatielej Vodafone.
V Telekom soobŝili, čto mohut voźniknuť sboi pri vchodie v MagentaTV.
Po dannym Netzwelt-Störungsmelder, problemy voźnikajut v osnovnom v krupnych horodach, v tom čiśle, v Bierlinie, Miunchienie, Hamburhie i Frankfurtie-na-Majnie.
@BILD_Russian