Zavočny sud nad Franakam Viačorkam pačniecca ŭ apošni dzień viasny
Sudzić daradcu Śviatłany Cichanoŭskaj buduć u Minskim haradskim sudzie. Praces budzie vieści sudździa Valancina Ziankievič, piša «Viasna».
Franak Viačorka
35-hadovamu palityku inkryminavana dzieviać artykułaŭ Kryminalnaha kodeksa:
- č. 3 art. 130 (raspalvańnie inšaj sacyjalnaj varožaści i varažniečy),
- č. 1 art. 293 (arhanizacyja masavych biesparadkaŭ, jakija supravadžalisia hvałtam nad asobaj, pahromami, padpałami, źniščeńniem majomaści abo ŭzbrojenym supracivam pradstaŭnikam ułady),
- č. 1 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich),
- č. 1 art. 356 (zdrada dziaržavie),
- č. 1 art. 357 (zmova ci inšyja dziejańni, učynienyja z metaj zachopu dziaržaŭnaj ułady),
- č. 3 art. 361 (zakliki da mier abmiežavalnaha charaktaru (sankcyj), inšych dziejańniaŭ, nakiravanych na pryčynieńnie škody nacyjanalnaj biaśpiecy Biełarusi),
- č.1 i 2 art. 361-1 (stvareńnie ekstremisckaha farmiravańnia albo ŭdzieł u im, u tym liku paŭtorna),
- č. 2 art. 367 (paklop u dačynieńni da Łukašenki),
- art. 369-1 (dyskredytacyja Respubliki Biełaruś).
«Chaj padaviacca svajoj śpiecvytvorčaściu i svaimi artykułami», — tak prakamientavaŭ «Pozirku» pačatuju ŭ lutym śpiecvytvorčaść Viačorka.
Na jaho dumku, «pravasudździe ŭsio roŭna nastupić, i ŭsie, chto stajać za lipavymi abvinavačvańniami, spravami i prysudami, katavańniami i aryštami, buduć nieści adkaznaść».
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ21
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary