Usaŭ paraŭnaŭ Taćcianu Martynavu z Azaronkam: Jana ŭziała na siabie rolu palityčnaj jurodzivaj
Palityk Pavieł Usaŭ vystupiŭ z rezkaj krytykaj na adras błohierki Taćciany Martynavaj, jakaja prabiłasia ŭ Kaardynacyjnuju radu sa svaim śpisam «Chopić bajacca».
«Napeŭna, u kožnym hramadstvie jość svaje palityčnyja jurodzivyja. Jość jany i ŭ biełaruskim, naprykład Azaronak. U demakratyčnaj supolnaści takuju rolu na sabie ŭziała T[aćciana] Martynava.
Amal usie jaje vystupy budujucca na abrazach, skiravanych na peŭnych ludziej ź biełaruskaha palitykumu. Kala 30 i bolej % jaje «razmovaŭ» zajmaje hety ahresiŭny manipulatyŭny kantent. Pazastały čas heta samalubavańnie i infarmacyjny chaos», — miarkuje Usaŭ.
Palityk abvinavačvaje Martynavu ŭ tym, što jana prypisała jamu abraźlivyja słovy: «U svaim učorašnim videa heta asoba dazvoliła sabie śćvierdzić, što ja nazvaŭ Biełaruski Narod śmiećciem!» Usaŭ pierakonvaje, što takoha nikoli nie kazaŭ i nie pisaŭ.
«Kaniečnie, Kaardynacyjnaja rada ŭžo maksimalna siabie dyskredytavała, ale najaŭnaść u KR Martynavaj, jaje nieadekvatnaść u pavodzinach i vykazvańniach na trybunie KR jašče bolš prynizić vobraz demakratyčnaj supolnaści», — padsumoŭvaje Usaŭ i nazyvaje Martynavu «kvazipalitykam, jaki parušaje bazavyja praviły palityčnaj etyki».
***
Byłaja viadučaja ANT, uładalnica bara «Piatnica» i stvaralnica fejsbuk-hrupy «Chopić bajacca» Taćciana Martynava źjechała ź Biełarusi ŭ lipieni 2020 hoda. Zastałasia ŭ Kijevie i paśla pačatku vajny. Zajmajecca błohinham, padčas pramovaŭ nie saromiejecca rezkich vykazvańniaŭ.
Usaŭ patrabuje, kab Cichanoŭskaja pieraabrałasia ŭ 2025-m
Usaŭ raić Cichanoŭskaj: Kab stać lidaram, a nie maryjanietkaj, treba razahnać Viačorku i Krasulinu
Navošta były viadučy ANT Ivan Padrez dałučyŭsia da błohierki Martynavaj i idzie ŭ Kardynacyjnuju radu?
Dziaržaŭnyja miedyja pačali razhaniać fejk pra Cichanoŭskuju, «jakaja zaklikaje zabivać paleścinskich dziaciej»
Ciapier čytajuć
Łukašenka patłumačyŭ, čamu jaho nie vidać pa sieradach i subotach20
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary