Stalinistu Pietrušenku dali 10 sutak. Na siomyja sutki ŭ jaho adkryłasia prabadnaja jazva
Pietrušenku paśpieli dastavić u balnicu i vyratavać jaho žyćcio.
Paru miesiacaŭ tamu stała viadoma, što suprać Mikałaja Pietrušenki zaviali administratyŭnuju palityčna matyvavanuju spravu — jaho vinavacili ŭ raspaŭsiudzie ekstremisckich materyjałaŭ.
Na staroncy byłoha deputata znajšli spasyłku na staronku, jakaja ŭ momant raźmiaščeńnia nie była pryznanaja ekstremisckaj. Tady jon u sacyjalnych sietkach upeŭniena pisaŭ, što sprava razvalicca i ničoha jamu nie budzie. Ale kali ŭ krainie «inohda nie do zakonov»… Paśla pieršaha suda Pietrušenku adpravili damoŭ, a spravu na dapracoŭku. I sprava była dapracavanaja.
U vyniku paru tydniaŭ tamu Pietrušenku asudzili na 10 sutak administratyŭki. Pavodle infarmacyi orsha.eu, na siomyja sutki ŭ źniavoleńni z-za kiepskich umovaŭ utrymańnia ŭ Pietrušenki adkryłasia prabadnaja jazva. Pietrušenku paśpieli dastavić u lakarniu i vyratavać jaho žyćcio.
Mikałaj Pietrušenka — były deputat Viarchoŭnaha Savieta SSSR, jaki, syšoŭšy na piensiju, pasialiŭsia ŭ Kochanavie. Chacia Pietrušenka šmat hadoŭ byŭ siabram apazicyjnaj partyi «Spraviadlivy śviet» u 2020 hodzie jon padtrymaŭ ułady. Mała taho, što padtrymaŭ, — proźvišča Pietrušenki možna było znajści ŭ źlitych bazach danosaŭ MUS i KDB. Jon sprabavaŭ padstavić pad palityčnyja represii ŭdzielnikaŭ pratestaŭ i navat danosiŭ na sajt orsha.eu.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj11
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary