Jeŭrasajuz uvioŭ pavyšanyja pošliny na ahrapradukcyju ź Biełarusi i Rasii
Rada ES pryniała rašeńnie ab uviadzieńni «zabaronnych» pošlin na ahrapradukcyju, impartavanuju z Rasii i Biełarusi, paviedamlaje pres-słužba Rady.
Zhodna z pryniatym rašeńniem, buduć pavyšanyja pošliny na zbožžavyja, alejnyja kultury i pradukty ich pierapracoŭki z Rasii i Biełarusi da ŭzroŭniu, jaki na praktycy spynić impart hetych praduktaŭ.
Pošliny majuć na mecie praktyčna spynić impart zbožža z Rasii i Biełarusi ŭ ES, kab praduchilić destabilizacyju zbožžavaha rynku ES, spynić rasijski ekspart skradzienaha ŭkrainskaha zbožža, a taksama nie dazvolić Rasii vykarystoŭvać dachody ad ekspartu ŭ ES dla finansavańnia vajny suprać Ukrainy.
«Rehłamient pavyšaje impartnyja taryfy na zbožžavyja, alejnyja kultury i pradukty ich pierapracoŭki, a taksama hranuły z buračnaha žomu i sušany haroch z Rasijskaj Fiederacyi, a taksama z Respubliki Biełaruś, na jakija ciapier imparciory nie płaciać nijakich taryfaŭ abo płaciać ich pa nizkich staŭkach», — adznačyŭ ministr finansaŭ Bielhii Vinsent Van Pietehiem.
Hetyja miery tyčacca tavaraŭ, jakija pachodziać abo ekspartujucca niepasredna ci ŭskosna z Rasii abo Biełarusi ŭ ES. Jany nie paŭpłyvajuć na tranzit praź ES z abiedźviuch krain u inšyja trecija krainy.
Rašeńnie aficyjna ŭstupić u siłu z 1 lipienia.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary