Łukašenka padčas razmovy z žurnalistami ŭ Manholii pravioŭ histaryčnyja paraleli.
Častka manholskich ŚMI vystupali suprać vizitu Alaksandra Łukašenki ŭ krainu, padkreślivajučy jaho dapamohu Rasiei ŭ vajnie suprać Ukrainy.
Jon na pres-kanfierencyi pasprabavaŭ adkazać manholskim žurnalistam. Jon tradycyjna zajaviŭ, što ŚMI bačać situacyju adnaboka i sprabujuć «ukidvać hety punkt hledžańnia ŭ hramadstva». A zatym Łukašenka puściŭsia ŭ histaryčnyja paraleli, piša jahonaja pres-słužba.
Jon nahadaŭ, jak u svoj čas Čynhischan budavaŭ manholskuju impieryju i «abaraniaŭ svaich ludziej».
«Kaliści Manholskaja impieryja dachodziła až da miežaŭ Biełarusi. I ja viedaju, jak jon abaraniaŭ svaich suajčyńnikaŭ. Jany hinuli na pole boju tysiačami. Ale kali chtości advažyŭsia pakryŭdzić jaho voinaŭ, jon miačom i ahniom źmiataŭ pasieliščy i hetych ludziej. Što ž adbyłosia pamiž Ukrainaj i Rasijaj? A toje ž samaje», — ličyć Łukašenka.
Palityk raspavioŭ, što ZŠA i krainy Zachadu prykłali ruku da raspadu SSSR, a zatym pačali ruchacca da miežaŭ Biełarusi i Rasii i ŭvodzić sankcyi. Łukašenka znoŭ zajaviŭ, što «va Ukrainie stvarali płacdarm dla ataki na Biełaruś i Rasiju». A zatym paraŭnaŭ Uładzimira Pucina z Čynhischanam.
«Pry čym tut Čynhischan? Ja vam raskazaŭ, jak jon abaraniaŭ svaich suajčyńnikaŭ. I kali va Ukrainie pačali naturalna ŭ novym stahodździ, u sučasnym śviecie spalvać ludziej u damach (pahladzicie, Adesa: jak tam spalvali ruskich ludziej), rasijskaje hramadstva pačało cisnuć na prezidenta Pucina i na ŭładu: Vy pavinny ich abaranić! Paralel? Pucin abaraniŭ svaich ludziej», — vykazaŭ mierkavańnie Łukašenka.
Jon paprasiŭ žurnalistaŭ «nie rabić biełarusaŭ vorahami manholskaha naroda» i prapanavaŭ «pryjechać u Biełaruś i pahladzieć na realnuju situacyju».
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary