Na vajnie z Ukrainaj zahinuŭ eks-vahnieraviec, jaki dvojčy źbiahaŭ z-pad suda na front
Jon prasiŭ «nie paminać jaho licham».
Biespracoŭny žychar Kiniešmy Ivanaŭskaj vobłaści Rasii Mikałaj Nikoł uviesnu 2022 hoda razam z naparnikam trapiŭsia palicejskim na «zakładcy» miefiedronu, potym u jaho doma znajšli jašče zapas marychuany.
Nie čakajučy aryštu i razhladu spravy, mužčyna źbieh z-pad padpiski ab niavyjeździe ŭ mai 2022 hoda ŭ PVK «Vahnier». Tak jon paŭdzielničaŭ u vajnie, atrymaŭ ranieńni i niejkija ŭznaharody ad hetaj struktury, piša Sota.
Uvosień 2022 hoda jaho znoŭ zatrymali ŭ Kiniešmie za narkotyki, i abłasny sud adpraviŭ jaho pad chatni aryšt, hruntujučysia na tym, što Mikołu patrebna padtrymalnaje lačeńnie i ŭ jaho lehalnaja krynica dachodu — vypłaty ad PVK. Pry hetym susiedzi Nikoła ŭ daviedcy dla suda niehatyŭna charaktaryzavali jaho.
«Narkatyčnuju» kryminalnuju spravu sud znoŭ nie zmoh razhledzieć pa sutnaści: spačatku pasiedžańni adkładali z-za stanu zdaroŭja vahnieraŭca, a 7 studzienia 2023 hoda Nikoł źnik z domu.
Palicejskim, jakija prybyli pa tryvožnym sihnale branzaleta, Nikoł pakinuŭ ślady narkaprytona, zrezany branzalet i cydułku: «Źjechaŭ vajavać na Ukrainu. Nie paminajcie licham!»
Hetaja zapiska i prasłaviła Nikoła ŭ fiederalnych ŚMI, a miascovyja palicejskija zrabili spravazdaču, što likvidavali narkapryton, dzie byli šprycy, šali i admysłovy posud dla vyrabu narkotykaŭ.
Haspadar, pa danych palicyi, «zdavaŭ svajo žyllo narkazaležnym hramadzianam dla ŭžyvańnia zabaronienych rečyvaŭ».
Na hety raz Nikoła ŭžo abjavili ŭ vyšuk i zavočna aryštavali, što nie pieraškodziła jamu być va Ukrainie až da hibieli ŭ 2024 hodzie.
Nikoł słužyŭ pamočnikam hranatamiotčyka ŭ «padraździaleńni inšaha rehijona» i atrymaŭ uznaharodu ŭžo ad Minabarony — miedal «Za advahu».
Pa danych ivanaŭskich ŚMI, da kanca 2023 hoda tam za roznyja złačynstvy zatrymali 13 byłych vahnieraŭcaŭ, jakija vyjšli z turmaŭ dziakujučy ŭdziełu ŭ PVK.
Ciapier čytajuć
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili10
Kamientary