Interpał admoviŭsia vydać ordar na aryšt polskaha sudździ Šmita
Interpał admoviŭsia vydać zapytany ŭładami Polščy mižnarodny ordar na aryšt eks-sudździ Tomaša Šmita, jaki ŭciok u Biełaruś. Pra heta ŭ aŭtorak, 4 červienia, ahienctvu PAP paviedamiła pres-sakratar Hałoŭnaj kamiendatury palicyi respubliki Katažyna Novak.
Pryčynaj admovy, pavodle jaje słoŭ, staŭ artykuł 3 statuta Interpała, jaki zabaraniaje arhanizacyi «ažyćciaŭlać jakoje-niebudź umiašańnie abo dziejnaść palityčnaha, vajennaha, relihijnaha abo rasavaha charaktaru».
«Interpał admoviŭsia vydać čyrvonaje apaviaščeńnie ŭ dačynieńni da sudździ Tomaša Šmita ŭ suviazi z tym, što jon nie dazvalaje pieradavać pa svaich kanałach dadzienyja pa dziejańniach suprać biaśpieki dziaržavy, jakija vyznačajucca jak palityčnyja złačynstvy», — cytuje Novak PAP.
U Varšavie 55-hadovamu Šmitu vystaŭlena abvinavačańnie ŭ špijanažy.
Tomaš Šmit uciok u Biełaruś 6 maja. Jon daŭ u Minsku pres-kanfierencyju, na jakoj abviaściŭ, što maje namier zapytać u Biełarusi palityčny prytułak.
Polskija śpiecsłužby miarkujuć, što Šmit niekalki hadoŭ kantaktavaŭ ź biełaruskaj raźviedkaj i rasijskimi ahientami ŭ Polščy.
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały77
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały7
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary