Amierykanski aŭkcyjonny dom Sotheby's pravioŭ tarhi Modern Evening Auction i Modern Day Auction, padčas jakich byli pradadzienyja ŭ tym liku karciny biełaruskich mastakoŭ Marka Šahała i Chaima Sucina, paviedamlaje «Biełaruś i śviet».
U pryvatnaści, naprykład, pałatno majstra ź Viciebska pad nazvaj «Virsavija» (Pałatno, 1965 hod) pajšło z małatka za 5 142 000 dalaraŭ.
Tvor jaho ž ruki «Vychad na arenu» (Tempiera, piłavińnie, pałatno, 1968-72 hady) prynios 1 996 000 dalaraŭ.
Malunak «Majsiej i Tora» (sanhvina, pastel, huaš, vuhal, tempiera, papiera, 1976 hod) z acenkaj 150 000 — 250 000 dalaraŭ daŭ 165 100 dalaraŭ, eskiz da litahrafii «Zialonaja raka» (huaš, akvarel, pastel, ałovak, papiera, 1974 hod) prynios 101 600 dalaraŭ.
Samaj darahoj pradadzienaj pracaj žyvapisca sa Śmiłavičaŭ staŭ naciurmort «Jabłyki, zban, kresła i bukiet» (Pałatno, kala 1916-17 hadoŭ) — 482 600 dalaraŭ.
Na druhim miescy — jašče adzin jaho naciurmort «Biełyja hładyjołusy ŭ vazie» (Pałatno, kala 1919 hoda), realizavany ŭ vyniku za 393 700 dalaraŭ.
Partret «Dvoje dziaciej» (Pałatno, kala 1937 hoda) daŭ 317 500 dalaraŭ, a piejzaž «Prahułka školnikaŭ u Siŭry» (Alej, pałatno, 1939) prynios 177 800 dalaraŭ.
«A zmožacie vylecieć zaŭtra?» Džon Koŭł raskazaŭ, jak piŭ z Łukašenkam harełku, kab damovicca pra vyzvaleńnie palitviaźniaŭ9
Kamientary