«Jon hareŭ žyŭcom, prasiŭ ab dapamozie». U Kalinkavičach mužčyna zalez na aporu ŁEP, upaŭ na pravady — i zastaŭsia žyvy
Vypadak adbyŭsia 16 červienia na vulicy Padolskaja ŭ Kalinkavičach — mužčyna pavis na pravadach linii elektrapieradačy. Infarmacyju pablika Gorodkalinkovichi zaŭvažyŭ «Fłahštok».
«Pa papiarednich dadzienych, sprabavaŭ ździejśnić samahubstva. Łajaŭsia ź dziaŭčynaj i vyrašyŭ skončyć žyćcio samahubstvam, spadziejučysia, što jaho stuknie tokam. Jon doŭhi čas znachodziŭsia ŭ stanie, jaki nahadvaje śmierć, i visieŭ tak kala hadziny», — napisali ŭ pabliku.
U kamientarach vykazali i inšyja viersii zdareńnia:
«Paśla svarki jaho vyhnali i nie puskali dadomu. Vierahodniej za ŭsio, zalez na słup, kab pahladzieć, što adbyvajecca ŭ dvary doma, adtul bačny dom, choć i zdaloku. Spatyknuŭsia, upaŭ na pravady i začapiŭsia».
Žychary mikrarajona adznačajuć, što z-za incydentu ŭ ich bolš za hadzinu nie było elektryčnaści, i ŭdakładniajuć, što mužčyna zastaŭsia žyvy:
«Ja stajaŭ źnizu, jon hareŭ žyŭcom, prasiŭ ab dapamozie».
«Ja taksama tam byŭ. Prosta ŭ šoku: jon hareŭ śviečkaj cełuju hadzinu. Pa vyniku źniali — žyvy».
Vidavočcy taksama adznačyli, što chutkaja dapamoha pryjechała chutka, ale nichto nie moh dapamahčy mužčynu da taho času, pakul linija była pad napružańniem.
U jakim ciapier stanie mužčyna, nieviadoma.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?21
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary