Alaksandr Łukašenka daručyŭ uvieści dadatkovyja materyjalnyja stymuły dla pracujučych piensijanieraŭ. Ab hetym raspavioŭ staršynia Fiederacyi prafsajuzaŭ Juryj Siańko.
Navacyja budzie źviazanaja ź indyvidualnym kaeficyjentam zarobku (IKZ). Ciapier dla pracujučych piensijanieraŭ ź indyvidualnym kaeficyjentam zarobku zvyš 1,3 piensija nie vypłačvajecca ŭ poŭnym pamiery — tak ułady chacieli aščadzić na piensijanierach.
«Naprykład, piensijanier vyjšaŭ na piensiju, atrymlivaje kaeficyjent 1,45. A pa zakanadaŭstvu siońnia jon moža atrymlivać, praciahvajučy pracavać, nie bolš za 1,3. I hetuju roźnicu jon niedaatrymlivaje. Tolki na rabotnikaŭ sielskaj haspadarki raspaŭsiudžvajecca ŭmova atrymańnia svajho kaeficyjenta i nadalej», — skazaŭ staršynia FPB.
Tamu była pastaŭlena zadača ŭnieści narmatyŭny akt, jaki budzie dazvalać piensijanieram pracavać i nadalej, ale na bolš pryvabnych umovach.
Juryj Siańko ŭpeŭnieny, što zachavańnie napracavanaha kaeficyjenta budzie važnym elemientam dla ludziej, jakija majuć dobry dośvied pracy, prafiesijnyja navyki, siły i žadańnie praciahvać pracavać. «Plus zarabotnaja płata dla ich budzie taksama dobrym stymułam dla pradaŭžeńnia raboty ŭ tych napramkach, pa jakich my siońnia bačym nieabchodnym zachavać pracujučych piensijanieraŭ», — dadaŭ Siańko.
Kali źmieny adbuducca, nieviadoma.
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary