Abjadnanaja kampanija Wildberries i Russ anansavała zapusk piłotnaha instrumienta — «Klijenckaj prymieračnaj». Pra navinku paviedamiła pres‑słužba markietpłejsa.
Funkcyja dazvolić karystalnikam prymiarać adzieńnie prosta na ŭłasnym vobrazie ŭ mabilnym dadatku markietpłejsa.
Novy funkcyjanał pastupova stanie dastupny ŭsim padpisčykam WB Kłuba i asobnym pradaŭcam, jakija ŭdzielničajuć u piłotnym prajekcie.
Skarystacca instrumientam prosta: u kartkach takich tavaraŭ źjaviłasia śpiecyjalnaja knopka «Pahladzieć reč na sabie».
Nacisnuŭšy na jaje, pakupnik zmoža zahruzić svajo fota i acanić, jak abranaja reč budzie vyhladać kankretna na jaho fihury. Pry hetym možna zahruzić jak raniejšyja fota, tak i zrabić zdymku ŭ realnym časie.
Funkcyja pracuje na bazie technałohij kampjutarnaha zroku i štučnaha intelektu, jakija analizujuć zahružany malunak i dakładna nakładvajuć vybrany pradmiet na fihuru karystalnika z ulikam kamplekcyi, koleru, praporcyj i pierśpiektyvy.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary