Polšča choča pryciahnuć pamiežnikaŭ ź Finlandyi, Hiermanii i Hrecyi dla abarony miažy ź Biełaruśsiu
Polskija ŭłady majuć namier pryciahnuć pamiežnikaŭ i palicejskich ź Finlandyi, Hiermanii i Hrecyi dla patrulavańnia miažy ź Biełaruśsiu. Pra heta zajaviŭ vysokapastaŭleny polski čynoŭnik, piša Reuters.
«Padrychtoŭka idzie poŭnym chodam, i heta krainy, u jakich vialiki vopyt pa achovie miežaŭ. Asabliva, naprykład, hrečaski dośvied moža być vielmi karysny», — raspavioŭ čynoŭnik.
Ministr nacyjanalnaj abarony Polščy Uładzisłaŭ Kasiniak-Kamyš zajaviŭ, što siarod mihrantaŭ ź Biełarusi mohuć być ludzi, śpiecyjalna navučanyja napadać na polskich žaŭnieraŭ. Urad Polščy maje namier padniać pytańnie ab abaronie miažy ź Biełaruśsiu na samicie NATA ŭ Vašynhtonie na nastupnym tydni.
Pamiežnaje ahienctva Jeŭrapiejskaha sajuza Frontex paviedamlaje, što kolkaść ludziej, jakija sprabujuć pierasiačy miažu ES praz uschodniuju miažu błoka, amal padvoiłasia za pieršyja piać miesiacaŭ 2024 hoda, choć hety maršrut zastajecca adnosna nievialikim u paraŭnańni ź inšymi šlachami ŭ Jeŭropu.
U pačatku lipienia paśla taho, jak situacyju prakamientavaŭ aficyjny Piekin, kolkaść sprobaŭ šturmu miažy Polščy z terytoryi Biełarusi krychu skaraciłasia.
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk1
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1616
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu16
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary