Sumny kot Łary, hałoŭny myšałoŭ urada Brytanii, vykazvaje staŭleńnie da źmieny haspadara na Daŭninh-stryt FOTAFAKT
Na vybarach u Brytanii ŭpieršyniu za 14 hadoŭ pieramahli lejbarysty.
Kot Łary, hałoŭny brytanski myšałoŭ, što doŭhi čas pražyvaje ŭ aficyjnaj rezidencyi lidara ŭrada, markotna siadzić kala doma 10 pa Daŭninh-stryt u Łondanie, u piatnicu, 5 lipienia.
Siońnia Daŭninh-stryt pakinuŭ staršynia Kansiervatyŭnaj partyi Ryšy Sunak, a zasialajecca ŭ rezidencyju lidar Lejbarysckaj partyi Kir Starmier, što ŭpeŭniena vyjhraŭ parłamienckija vybary.
Viadoma, što Starmier — viehietaryjaniec, jon navat stanie pieršym premjeram Brytanii viehietaryjancam. A katam nielha žyć bieź miasa, to tamu Łary taki zmročny.
Pakolki rezidencyja kiraŭnika ŭrada Brytanii raźmiaščajecca ŭ starym budynku, myšy i pacuki źjaŭlajucca tam pastajannaj prablemaj i pa tradycyi katy — nieadjemny atrybut rezidencyi.
Łary zajmaje pasadu hałoŭnaha myšałova rezidencyi brytanskaha ŭrada ź lutaha 2011 hoda, jon pieražyŭ Devida Kemarana, Terezu Mej, Borysa Džonsana, Lizu Tras i Ryšy Sunaka. Praŭda, usie jany byli kansiervatarami.
Maksim Znak naviedaŭ śpiektakl «Zekamieron», pastaŭleny pa jahonaj knizie, napisanaj u SIZA4
Kamientary