Vy 100% nie viedali, što ŭ hetych miescach Minska možna smačna i tanna pajeści
Nie viedajecie, dzie smačna i tanna pajeści ŭ Minsku? Niečakanuju paradu daŭ tyktok-błohier — vy dakładna nikoli nie naviedvali takija miescy. Akazvajecca, vydatna kormiać u bufietach dyśpietčarskich stancyj.
Dva hady tamu tyktok-błohier pad nikam Dostaliceny vypadkova daviedaŭsia pra toje, što na dyśpietčarskich stancyjach (tych samych, jakija znachodziacca na kancavych prypynkach maršrutaŭ) moža pajeści luby achotny.
Jon schadziŭ u raźviedku na DS «Kuncaŭščyna» i zastaŭsia vielmi zadavoleny: za śmiešnyja hrošy atrymałasia nie prosta pierakusić, a paŭnavartasna paabiedać. Paźniej jon naviedaŭ jašče niekalki anałahičnych miescaŭ.
Ale ŭzimku, kali błohier pryjechaŭ na DS «Adojeŭskaha», jon byŭ rasčaravany. Niahledziačy na toje, što na huhł-mapach było adznačana, što bufiet pracuje, akazałasia, toj začyniŭsia nazaŭsiody.
Tydzień tamu chłopiec vyrašyŭ naviedacca ŭ bufiet DS «Šabany» i daviedaŭsia, što toj taksama bolš nie pracuje. Spužaŭšysia, ci nie zakrylisia inšyja takija bufiety, błohier pajechaŭ praviarać. Ale ŭzdychnuŭ z palohkaj: na dyśpietčarskich stancyjach «Kuncaŭščyna», «Zachad-3», «Paŭdniovy Zachad», «Malinaŭka-4», «Uschodniaja» ŭsio pracuje. Mieniu apošniaha bufieta jon i prateściravaŭ: za chaładnik, katletu z bulbianym piure, sałatu i harbatu addaŭ 9 rubloŭ i 92 kapiejki.
— Jak zvyčajna, zastaŭsia zadavoleny. Ja heta ŭsio da čaho? Mnie padabajucca niestandartnyja miescy, asabliva dzie niadoraha i prosta. I DS u hetym płanie znachodka. Kormiać biudžetna i ŭ luby dzień. U tym liku i ŭviečary. Šykoŭnaja atmaśfiera i vietlivyja pradaŭcy.
Naŭrad ci, viadoma, takoje miesca padydzie dla ramantyčnaha spatkańnia (kali tolki dla vielmi kreatyŭnaha), ale voś paviačerać, kali lanota hatavać, možna. Zorak mišlen u bufietaŭ niama, ale smačna i sytna nakormiać.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
a-to ŭsio diumaju - čamu maršrutačniki predpačytajut kofie u šaurmičnaj
darečy. što da kofie. na momant majho pasiaščenija bufieta kofie tam nie było
na kartach taro
vidimo kofie vsie vypił Indiejec ?
(